لازەر مەن درون ارقىلى ۇشقىشقا كەدەرگى كەلتىرگەندەرگە جازا قاتاڭدايدى

لازەر نەمەسە درون ارقىلى ۇشاقتىڭ جۇمىسىنا كەدەرگى كەلتىرگەندەر 10 جىلعا دەيىن باس بوستاندىعىنان ايىرىلادى, دەپ جازادى Qandastar.kz

باس پروكۋراتۋرانىڭ حابارلاۋىنشا, مۇنداي ارەكەتتەر ۇشۋ قاۋىپسىزدىگىنە تىكەلەي قاۋىپ توندىرەدى. سەبەبى ۇشقىشتار ۋاقىتشا كورۋ قابىلەتىنەن ايىرىلىپ, بۇل ءوز كەزەگىندە ۇشاق اپاتىنا اكەلۋى مۇمكىن.

قازاقستاننىڭ اۆياتسيالىق قىزمەتتەرىنىڭ مالىمەتىنشە, سوڭعى 6 جىل ىشىندە جولاۋشىلار لاينەرلەرىمەن بايلانىستى وسىنداي 98 وقيعا تىركەلگەن. ەڭ كوپ فاكتىلەر الماتى حالىقارالىق اۋەجايىندا ورىن الدى. ەگەر 2017 جىلى 8 حابارلاما تىركەلسە, 2023 جىلى – 30.

سوڭعى ۋاقىتقا دەيىن وتاندىق زاڭنامادا مۇنداي ارەكەتتەر ءۇشىن ارنايى جاۋاپكەرشىلىك قاراستىرىلماعان, بۇل كىنالىلەردى جاۋاپقا تارتۋدى ايتارلىقتاي قيىنداتتى.

16 شىلدەدەگى زاڭنىڭ قابىلدانۋىمەن قىلمىستىق كودەكسكە لازەرلىك قۇرىلعىلاردى نەمەسە ۇشقىشسىز ۇشۋ اپپاراتتارىن پايدالانا وتىرىپ, اۋە كەمەسىن باسقارۋعا كەدەرگى كەلتىرگەنى ءۇشىن قىلمىستىق جاۋاپتىلىقتى بەلگىلەيتىن جاڭا 352-1-باپ ەنگىزىلدى.

جازا جاسالعان ارەكەتتىڭ سالدارىنا بايلانىستى ايىپپۇل نەمەسە قاماۋعا الۋدان 10 جىلعا دەيىن باس بوستاندىعىنان ايىرۋعا دەيىن وزگەرەدى.