Jańalyqtar
Lázzat Tanysbaı «Qazaqstannan» ketti
Foto: ashyq derekkóz
Lázzat Tanysbaı «Qazaqstan» teleradıokorporaııasynyń Basqarma tóraıymy retindegi qyzmetin aıaqtady, dep jazady qandastar.kz
«Birge qyzmet etken áriptesterime alǵys aıta otyryp, Basqarma tóraıymy retindegi qyzmetimdi aıaqtaýdy jón sanadym. Alty jyldan astam ýaqytta eń myqty, kásibı ujymmen birge jaýapty kezeńderdi eńserip, maqsat etip qoıǵan jobalardy júzege asyrdyq. Korporaııanyń qazirgi ýaqyttaǵy jetistikteri áriptesterimniń óz isine adaldyǵy men tynymsyz eńbeginiń jemisi. Osy kezeńde qyzmetkerlerdiń áleýmettik jaǵdaıyn jaqsartyp, kásibı damýyna qolaıly orta qalyptastyrýǵa tyrystym. Sebebi jaıly eńbek ortasy nátıjeli jumystyń, turaqtylyq pen tabystyń negizi dep esepteımin. Qazaq televızııasynyń qarashańyraǵy sanalatyn uıymda buǵan deıin talaı jetekshilerdiń ózine laıyq qoltańbasy qaldy. Bul sabaqtastyq jalǵasyn tabýy qajet. Ýaqytpen birge basshylardyń da almasyp, uıym jumysyna jańa tynys, jańa serpin berilip otyrýy kerek dep esepteımin.
Bul sheshimime qoldaý bildirgen sala mınıstrine alǵys aıtamyn. Men ári qaraı da otandyq televızııa salasynyń damýyna eńbek etemin», — dedi Lázzat Tanysbaı búgin Korporaııa jetekshilerimen ótken kezdesýinde.
L.Tanysbaı «Qazaqstan» respýblıkalyq teleradıokorporaııasyn 2019 jyldyń sáýir aıynan beri basqaryp keldi. Endi ol búginnen bastap «Evrazııa» Birinshi arnasyna» jetekshilik etedi.
