Legıonerler bizdiń kók pasportty tek aqsha tabý, sankııany aınalyp ótý, chempıon bolý úshin ǵana paıdalanady – Arman Shoraev

Foto: Alash.kz

«Sheteldik legıonerler bizdiń elimizge qanshalyqty qajet? Olar bizdiń kók pasportty tek aqsha tabý, sankııany aınalyp ótý, chempıon bolý úshin ǵana paıdalanady. Olımpıadaǵa jumsalyp jatqan mıllıardtaǵan aqshany balalar sportyna, túrli sekııalarǵa baǵyttaý kerek.

О́zimizdiń myqty balalarymyz jeterlik. Syrttan sportshylardy ákelip, nesine áýrelenemiz?». Bul pikirdi belgili qoǵam qaıratkeri, kásipker Arman Shoraev ALASH.KZ ulttyq portalyna bergen suhbatynda aıtty.

«Sheteldik legıonerler bizdiń elimizge qanshalyqty qajet? Afrıkalyq jelaıaqqa azamattyq berip, elimizge alyp keldik. Osydan 10-15 jyl buryn Qytaıdan aýyr atletıkadan legıonerlerdi tartyp, taǵy 2-3 qyzdy alyp keldik. Bul sportshylar elimizge jalpy ne úshin qajet? Olardyń aty qazaq pa, zaty qazaq pa?! Tennısshilerdiń istep otyrǵan tirligin kórip otyrmyz. Olarǵa tek qana shırma kerek. Bizdiń kók pasportty tek aqsha tabý, sankııany aınalyp ótý, chempıon bolý úshin ǵana paıdalanady. Bitti! Sondyqtan olımpıadaǵa jumsalyp jatqan mıllıardtaǵan aqshany balalar sportyna, túrli sekııalarǵa baǵyttaý kerek. Sonda bizge shetelden qańǵyp kelgen hokkeıshilerdi, fýtbolshylardy jaldaýdyń qajeti bolmaıdy. Qudaıǵa shúkir. О́zimizdiń myqty balalarymyz jeterlik. Jýyrda men bir jattyǵýǵa bardym. Jaqyn dosymnyń uly hokkeımen aınalysady. Sol jattyǵýda qazaqsha sóılep júrgen ózimizdiń qara domalaqtardy kórip, qatty qýandym. Syrttan sportshylardy ákelip, nesine áýrelenemiz? Nege bizdiń jattyqtyrýshylar shetelden «merzimi ótip ketken» fýtbol komandalaryn jaldaıdy? О́ıtkeni, olar ózderine ótirik jalaqy taǵaıyndap, sol jalaqynyń jartysynan kóbin óz qaltalaryna salyp alady. Bul sport salasy úlken bir bızneske aınalǵan. Sondyqtan kásibı sportty, ondaǵy úlken jobalardy bıýdjetten qarjylandyrýdy doǵaryp, bul salany jeke bıznes ókilderine berý kerek. Sport memlekettiń qatysýynsyz, kásipkerlerdiń demeýshiligimen damýy kerek»,- deıdi Arman Shoraev.