«Lexus 600»-ǵa qýanyp júrgen sııaqty: Eldos Smetov pen bapkeriniń bıi jelini jardy

Foto: https://www.instagram.com/yeldos60kg/

Parıj olımpıadasynyń chempıony Eldos Smetov týǵan jerinde jerlesteri kútip aldy. Dzıýdoshy Eldos Smetovke memlekettik beretin syıaqysynan bólek túrli demeýshi kásipkerler basqa da syılyqtar tabystaýda. Bul týraly Stan.kz aqparat agenttigi habarlaıdy.

Olımpıada chempıonyna týǵan jeri Tarazda qurmet kórsetildi. Jambyl oblysynyń ákimi Erbol Qarashókeev Smetovke jańa Lexus 600 avtokóligi men Taraz qalasynan 5 bólmeli páterdiń kiltin tabystady.

Smetovtiń jattyqtyrýshysy Ǵalymjan Jylgeldıevke de 2 bólmeli páter berildi.

Odan keıin jelige sportshyǵa arnalǵan toıdyń vıdeosy tarady. Ol jerde dzıýdoshy men jattyqtyrýshysy bılep júrgenin kórýge bolady. Oqyrman qaýym túrli pikir bildirip, qýanyshqa ortaqtasyp jatyr.

«Keremet kóńil kúı syılady», «Ekeýi de bıden jarys bolsa, birinshi oryn alaıyn dep tur», «5 bólmeli úı men lexus 600-ǵa qýanyp júr», «Ekeýine ne istese de jarasady», «Myna jaqta biz de bılep otyrmyz», – dep jazdy jeli qoldanýshylary.