Los-Andjelestiń keı aýdandarynda komendanttyq saǵat jarııalandy

Los-Andjeles meri Karen Bass pen jergilikti polıııa basshysy Djım Makdonnell ımmıgraııalyq qyzmet reıdterine qarsy protester saldarynan qalanyń keı aýdandarynda komendanttyq saǵat jarııalady, dep habarlaıdy Qandastar.kz aqparat portaly VVS-ge silteme jasap.

Qala basshysy komendanttyq saǵat keshki saǵat 8-den tańǵy 6-ǵa deıin birneshe kúnge jalǵasatynyn aıtty.

Aıtýynsha, qalaǵa aıtarlyqtaı zalal keltirilgen. Biraq komendanttyq saǵat tek aýqymy 1 sharshy mıl aýmaqta ǵana bolatyny aıtyldy. Sonymen qosa osy aýdandardyń turǵyndary men buqaralyq aqparat quraldarynyń akkredıtaııadan ótken qyzmetkerlerine eshkim tıispeıdi dep otyr.

LAPD (jergilikti polıııa) basshysy komendanttyq saǵat tártipsizdikter toqtaǵansha «ómirdi qutqarý men jeke múlikti qorǵaý» úshin qajetti shara ekendigin túsindirdi.

Sonymen qatar senbi kúni – 27 adam, jeksenbide – 40, dúısenbide – 114, seısenbide – 197 adam tutqyndalǵan.

Karen Bass sonymen qatar prezıdent Donald Trampty zańsyz mıgranttarǵa qatysty ımmıgraııalyq jáne kedendik polıııanyń (ISE) reıdterin júrgizýdi toqtatýǵa shaqyrdy. Ol Tramppen baılanysyp, osy taqyrypty talqylaǵysy keletin nıetin jetkizdi.

Los-Andjelestegi jappaı narazylyqtyń sońy tonaý men vandalızmge jalǵasty.

Sonymen qosa eldegi tártipsizdikter Kalıfornııadan basqa shtattarǵa tarady.