Louis Vuitton مەن Gucci برەندتەرى تۇركىستاننىڭ ماتالارىن پايدالانباق

فوتو: اشم

اۋىل شارۋاشىلىعى مينيسترلىگىنىڭ حابارلاۋىنشا, تۇركىستاندا 146,8 ملرد تەڭگەنىڭ ماقتا وڭدەۋ كەشەنى سالىنادى, دەپ جازادى qandastar.kz atamekenbusiness_qaz-عا سىلتەمە جاساپ.

تولىق تسيكلدى توقىما فابريكاسىندا 11 تسەح جۇمىس ىستەيتىن بولادى – ءيىرۋ, ماتا ءوندىرۋ, بوياۋ, وڭدەۋ. ءوندىرىس قۋاتتىلىعى جىلىنا 13 مىڭ توننا ءيىرىمجىپ, 50 ملن مەتر ءۇي توقىماسىن, 7 ملن جيىنتىق توسەك ابزەلدەرىن شىعارۋعا جەتەدى. 2 مىڭنان استام جۇمىس ورنى قۇرىلادى.

ماقتا-ماتا كلاستەرىن دامىتۋعا باعىتتالعان وندىرىستىك كەشەننىڭ قۇرىلىسىن Xinjiang Lihua (Group) Co., LTD جۇرگىزەدى. جوبانىڭ ماڭىزدى ارتىقشىلىعى كومپانيانىڭ Louis Vuitton جانە Gucci سياقتى ءسان يندۋسترياسىنىڭ الىپتارىمەن تىكەلەي ىنتىماقتاستىعى بولىپ تابىلادى.

بولاشاقتا «made in Turkestan» تىگىن جىپتەرى مەن ماتالارى وسى برەندتەرگە ساتىلاتىن بولادى.

تۇركىستان وبلىسى – قازاقستاننىڭ ماقتا وسىرەتىن جالعىز ءوڭىرى. وبلىس اۋماعىندا جىل سايىن 100 مىڭ گەكتار جەرگە ماقتا ەگىلىپ, 300 مىڭ توننادان استام ءونىم جينالادى.