جاڭالىقتار
LRT بيىل دا قوسىلمايتىن بولدى
اقوردا كۋلۋارىندا پرەمەر-ءمينيستردىڭ ءبىرىنشى ورىنباسارى رومان سكليار LRT-نى تەستىلىك رەجيمدە ىسكە قوسۋ مەرزىمى كەلەسى جىلدىڭ اياعىنا قالدىرىلعانىن ايتتى. بۇعان دەيىن استاناداعى LRT-نى وسى جىلى ىسكە قوسۋ جوسپارلانعان ەدى, دەپ حابارلايدى Qandastar.kz اقپارات پورتالى.
«تەستىلىك رەجيمدە ىسكە قوسۋ كەلەسى جىلى باستالادى, كەلەسى جىلدىڭ سوڭىندا», – دەدى سكليار.
بۇعان قوسا ول كەلەسى جىلى جولاۋشىلار تاسىمالى باستالاتىنىن دا اتاپ ءوتتى.
ەسكە سالساق, بۇعان دەيىن «CTS» جشس باسقارما توراعاسى اسىلبەك دۇيسەباەۆ LRT-نى تەستىلىك رەجيمدە ىسكە قوسۋ, ياعني جولاۋشىسىز پويىزداردى سىناقتان وتكىزۋ وسى جىلدىڭ قىركۇيەك ايىنا جوسپارلانعانىن ايتقان ەدى.
