جاڭالىقتار
LRT-نىڭ العاشقى ۆاگوندارى استاناعا جىبەرىلدى
فوتو: استانا اكىمدىگىنىڭ ءباسپاسوز قىزمەتى
قىتايدىڭ تانشان قالاسىندا استانا قالاسىنا ارنالعان LRT ۆاگوندارىنىڭ العاشقى ەكى قۇرامى جىبەرىلدى, دەپ حابارلايدى Qandastar.kz اقپاراتتىق سايتى.
LRT-عا ارنايى بارلىعى 19 جىلجىمالى قۇرام شىعارىلادى. اۆتوماتتاندىرۋدىڭ ءتورتىنشى دەڭگەيىندەگى زاماناۋي ءتورت سەكتسيالى ۇشقىشسىز پويىزداردىڭ ارقايسىسىنا 650 جولاۋشىنى قابىلداي الادى.
ۆاگوندار قىتايدىڭ تەمىرجول سالاسىنداعى ەڭ ءىرى ءارى كونە كاسىپورىندارىنىڭ ءبىرى — 1881 جىلى نەگىزى قالانعان «CRRC Tangshan» زاۋىتىندا وندىرىلەدى.
العاشقى ەكى قۇرامدى استاناعا جەتكىزۋ 2025 جىلدىڭ ماۋسىم ايىنا جوسپارلانعان. قالعان 17 بىرلىك وسى جىلدىڭ سوڭىنا دەيىن جونەلتىلەدى. جەلى قىركۇيەكتە سىناق رەجيمىندە پايدالانۋعا بەرىلەدى.
استاناعا العاشقى ەكى قۇرامدى جەتكىزۋ ماۋسىم ايىنا جوسپارلانعان. قالعان 17 قۇرام وسى جىل سوڭىنا دەيىن جەتكىزىلەدى. جەلىنى سىناقتان وتكىزۋدى باستاۋ قىركۇيەك ايىنا جوسپارلانىپ وتىر. قازىر استاناداعى LRT جوباسى اياسىندا قۇرىلىس جۇمىستارىنىڭ باسىم بولىگى اياقتالدى. جول توسەۋ, ستانتسيالار قاسبەتىن مونتاجداۋ, ەستاكادانىڭ تىرەكتەرى مەن ارقالىقتارىن سىرلاۋ, سىرتقى ينجەنەرلىك جەلىلەردى قوسۋ, ەستاكادا استى ايماعىن اباتتاندىرۋ جانە دەپو قۇرىلىسى جۇمىستارى جالعاسىپ جاتىر, — دەپ حابارلايدى «City Transportation Systems» جشس.
