LRT-nyń alǵashqy vagondary Astanaǵa jiberildi

Foto: Astana ákimdiginiń baspasóz qyzmeti

Qytaıdyń Tanshan qalasynda Astana qalasyna arnalǵan LRT vagondarynyń alǵashqy eki quramy jiberildi, dep habarlaıdy Qandastar.kz aqparattyq saıty. 

LRT-ǵa arnaıy barlyǵy 19 jyljymaly quram shyǵarylady. Avtomattandyrýdyń tórtinshi deńgeıindegi zamanaýı tórt sekııaly ushqyshsyz poıyzdardyń árqaısysyna 650 jolaýshyny qabyldaı alady.

Vagondar Qytaıdyń temirjol salasyndaǵy eń iri ári kóne kásiporyndarynyń biri — 1881 jyly negizi qalanǵan «CRRC Tangshan» zaýytynda óndiriledi.

Alǵashqy eki quramdy Astanaǵa jetkizý 2025 jyldyń maýsym aıyna josparlanǵan. Qalǵan 17 birlik osy jyldyń sońyna deıin jóneltiledi. Jeli qyrkúıekte synaq rejıminde paıdalanýǵa beriledi.

Astanaǵa alǵashqy eki quramdy jetkizý maýsym aıyna josparlanǵan. Qalǵan 17 quram osy jyl sońyna deıin jetkiziledi. Jelini synaqtan ótkizýdi bastaý qyrkúıek aıyna josparlanyp otyr. Qazir Astanadaǵy LRT jobasy aıasynda qurylys jumystarynyń basym bóligi aıaqtaldy. Jol tóseý, stanııalar qasbetin montajdaý, estakadanyń tirekteri men arqalyqtaryn syrlaý, syrtqy ınjenerlik jelilerdi qosý, estakada asty aımaǵyn abattandyrý jáne depo qurylysy jumystary jalǵasyp jatyr, — dep habarlaıdy «City Transportation Systems» JShS.