جاڭالىقتار
لۋدومانياعا قارسى زاڭدى قابىلداۋعا قارسىلىق بىلدىرگەن ىقپالدى توپتار بولدى – ەرلان قوشانوۆ
فوتو: ايكىن.كز
ەلىمىزدە بۋكمەكەرلىك كەڭسەلەر مەن كازينولارعا قويىلاتىن تالاپتار كۇشەيدى. سونىمەن قاتار ونلاين-كازينو قىزمەتىن ۇيىمداستىرعاندارعا قارسى قىلمىستىق جاۋاپكەرشىلىك ەنگىزىلدى, – دەپ حابارلايدى Aikyn.kz.
بۇل تۋرالى پارلامەنت پالاتالارىنىڭ بىرلەسكەن وتىرىسىندا ءماجىلىس توراعاسى ەرلان قوشانوۆ ايتتى.
«مەملەكەت باسشىسى قۇمار ويىندى ءححى عاسىرداعى ەڭ كەلەڭسىز الەۋمەتتىك ىندەتتىڭ ءبىرى دەپ اتادى. تەك رەسمي دەرەكتەر بويىنشا شامامەن 400 مىڭعا جۋىق ازامات قۇمار ويىننىڭ قۇرىعىنا تۇسكەن. ولاردىڭ دەنى – جاستار. ويىن بيزنەسى تۋرالى زاڭ پارلامەنت قابىرعاسىندا, ءتۇرلى قوعامدىق الاڭداردا ۇزاق ۋاقىت بويى تالقىلاندى. زاڭدى قابىلداۋعا قارسىلىق تانىتۋعا تىرىسقان ىقپالدى توپتار دا بولدى.
سوعان قاراماستان دەپۋتاتتار بۋكمەكەرلىك كەڭسەلەر مەن كازينولارعا قويىلاتىن تالاپتاردى قاتايتتى. ونلاين-كازينو قىزمەتىن ۇيىمداستىرعانى ءۇشىن قىلمىستىق جاۋاپتىلىق ەنگىزىلدى. بورىشكەرلەر مەن اليمەنت تولەۋشىلەردىڭ ويناۋىنا تىيىم سالىندى», – دەپ ناقتىلادى ەرلان قوشانوۆ.
