Lýdomanııaǵa qarsy zańdy qabyldaýǵa qarsylyq bildirgen yqpaldy toptar boldy – Erlan Qoshanov

Foto: Aıkyn.kz

Elimizde býkmekerlik keńseler men kazınolarǵa qoıylatyn talaptar kúsheıdi. Sonymen qatar onlaın-kazıno qyzmetin uıymdastyrǵandarǵa  qarsy qylmystyq jaýapkershilik engizildi, – dep habarlaıdy Aikyn.kz. 

Bul týraly Parlament palatalarynyń birlesken otyrysynda Májilis tóraǵasy Erlan Qoshanov aıtty.

«Memleket basshysy qumar oıyndy HHI ǵasyrdaǵy eń keleńsiz áleýmettik indettiń biri dep atady. Tek resmı derekter boıynsha shamamen 400 myńǵa jýyq azamat qumar oıynnyń quryǵyna túsken. Olardyń deni – jastar. Oıyn bıznesi týraly zań Parlament qabyrǵasynda, túrli qoǵamdyq alańdarda uzaq ýaqyt boıy talqylandy. Zańdy qabyldaýǵa qarsylyq tanytýǵa tyrysqan yqpaldy toptar da boldy.

Soǵan qaramastan depýtattar býkmekerlik keńseler men kazınolarǵa qoıylatyn talaptardy qataıtty. Onlaın-kazıno qyzmetin uıymdastyrǵany úshin qylmystyq jaýaptylyq engizildi. Boryshkerler men alıment tóleýshilerdiń oınaýyna tyıym salyndy», – dep naqtylady Erlan Qoshanov.