M. Tákıev: Bıýdjete ₸3,5 trln tapshy

Qazaqstannyń bıýdjettik shyǵyny artyp, kirisi kemidi. Bul týraly Parlament palatalarynyń birlesken otyrysynda aıtyldy,-dep habarlaıdy Qandastar.kz

Ekonomıkalyq ósimge qol jetkizý joldary, bıýdjettiń búgingi jaıy, negizgi ekonomıkalyq salalarǵa serpin berý. Búgingi otyrysqa arqaý bolǵan taqyryptar – osy.

Baqyt Toptaeva, tilshi: – Qarjy mınıstri shyǵystardyń kólemi kóz ilespes jyldamdyqpen ósip jatqanyn moıyndady. Mádı Tákıevtiń aıtýynsha, bıyl bıýdjet kirisi boljammen 16 trln-ǵa jýyqtaýy múmkin. Al bıylǵy bıýdjet tapshylyǵy 3,5 trln kóleminde bolmaq. Qazirdiń ózinde bıýdjet shyǵys 24 trln-dy quraıdy. Sońǵy 10 jylda bıýdjet shyǵysy 10 trln-ǵa ulǵaısa, al kiristiń ósimi 8 trln teńge shamasynda.

Kiristi ulǵaıtý úshin salyq pen kedendi ákimshilendirý júrgizilip jatqanyn atap ótti. Bıyl 9 keden beketi jóndelip bitse, taýarlardyń shekeradan ótý qarqyny ósedi. Saýda aınalymy ulǵaısa, osynyń esebinen kiris mólsherin arttyrýǵa bolady degen senim bildirdi. Aıta keteıik, jýyrda ǵana Qytaımen aradaǵy kólik tranzıtine qatysty kelisim ratıfıkaııalanǵan edi. Osylaısha, Qazaqstan arqyly tranzıttik tasymaldy 2-3 esege ulǵaıtýdyń alǵysharty jasaldy.