«مادەنيەت سارايى مەنىكى ەدى»: مۇرات ءابىلدا اباقتىدا نەمەن اينالىسقانىن ايتىپ بەردى

فوتو: جەكە پاراقشادان الىندى

تانىمال اۋەسقوي ءانشى, بلوگەر مۇرات ءابدىلدا اباقتىدا وتىرعاندا دا ونەردەن قول ۇزبەگەنىن ايتتى. بۇل تۋرالى Qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

بلوگەر مەكەمەدەگى جىگىتتەردىڭ وزىنە كورسەتىلگەن سىي-قۇرمەتىن ەسىنە الدى.

«اباقتىعا بوستاندىقتا ءجۇرىپ, ءتۇرلى ساتسىزدىككە ۇشىراعان جىگىتتەر كەلىپ جاتتى. ولار بۇرىنعى ءىشىپ, بالاعات ءسوز ايتىپ جۇرگەنىمدى كورىپ, مەنى دەنى دۇرىس ەمەس دەپ ويلايدى ەكەن. مەنى كورىپ, «مايمىل» كورگەندەي كۇلەدى. مەن ومىردە سالماقتى اداممىن. باستاپقىدا سولاي قاراپ جۇرەدى. سودان شاقىرىپ الىپ, «باۋىرىم, سەن نەگە ك ۇلىپ جاتىرسىڭ? كۇلە بەرەتىن مەنى «مايمىل» كورىپ تۇرسىڭ با?» دەيتىنمىن. سودان جىگىتتەر ءتۇسىنىپ, مەنى بارلىعى دەرلىك «ماكە» دەپ سىيلاپ كەتتى», – دەپ باستادى اڭگىمەسىن ءانشى.

سونداي-اق تۇزەتۋ مەكەمىسىندە تەز بەيىمدەلىپ, ەركىن جۇرگەنىن دە جاسىرمادى.

«ەكى جارىم جىلدىڭ ىشىندە وزىنە ەمىن-ەركىن جۇرۋگە مۇمكىندىك بەرگەن تۇزەتۋ مەكەمەسىنە العىس ايتامىن. ولار مەنەن «2,5 جىل قالاي سابىرلىق تانىتىپ ءجۇرسىز, مەنىڭ جۇيكەم جۇقارا باستادى, بۇرىن ءسىزدى ءبىرتۇرلى دەپ ويلاۋشى ەم» دەيتىن. مەن تۇزەتۋ مەكەمەسىندە دە ەشكىمگە زيانىمدى تيگىزگەن ادام ەمەسپىن. ءبارى مەنى سىيلادى, «مۇرات ءابدىلدا» دەپ ەركەلەتتى, ەمىن-ەركىن ءجۇردىم, شەكتەۋ قويعان جوق. مەكەمەدەگى مادەنيەت سارايى مەنىكى بولدى. ءتۇرلى ءىس-شارالاردى ۇيىمداستىرۋ مەنىڭ موينىمدا بولدى», – دەدى مۇرات ءابدىلدا.

ەسكە سالايىق, تۇرمەدەن شىققان مۇرات ءابدىلدا ءبىر كۇندە ميلليونەر اتانعان ەدى.