«Mádenıet saraıy meniki edi»: Murat Ábilda abaqtyda nemen aınalysqanyn aıtyp berdi

Foto: Jeke paraqshadan alyndy

Tanymal áýesqoı ánshi, bloger Murat Ábdilda abaqtyda otyrǵanda da ónerden qol úzbegenin aıtty. Bul týraly Qandastar.kz Stan.kz aqparat agenttigine silteme jasap habarlaıdy.

Bloger mekemedegi jigitterdiń ózine kórsetilgen syı-qurmetin esine aldy.

«Abaqtyǵa bostandyqta júrip, túrli sátsizdikke ushyraǵan jigitter kelip jatty. Olar burynǵy iship, balaǵat sóz aıtyp júrgenimdi kórip, meni deni durys emes dep oılaıdy eken. Meni kórip, «maımyl» kórgendeı kúledi. Men ómirde salmaqty adammyn. Bastapqyda solaı qarap júredi. Sodan shaqyryp alyp, «Baýyrym, sen nege kúlip jatyrsyń? Kúle beretin meni «maımyl» kórip tursyń ba?» deıtinmin. Sodan jigitter túsinip, meni barlyǵy derlik «Máke» dep syılap ketti», – dep bastady áńgimesin ánshi.

Sondaı-aq túzetý mekemisinde tez beıimdelip, erkin júrgenin de jasyrmady.

«Eki jarym jyldyń ishinde ózine emin-erkin júrýge múmkindik bergen túzetý mekemesine alǵys aıtamyn. Olar menen «2,5 jyl qalaı sabyrlyq tanytyp júrsiz, meniń júıkem juqara bastady, buryn sizdi birtúrli dep oılaýshy em» deıtin. Men túzetý mekemesinde de eshkimge zııanymdy tıgizgen adam emespin. Bári meni syılady, «Murat Ábdildá» dep erkeletti, emin-erkin júrdim, shekteý qoıǵan joq. Mekemedegi mádenıet saraıy meniki boldy. Túrli is-sharalardy uıymdastyrý meniń moınymda boldy», – dedi Murat Ábdilda.

Eske salaıyq, túrmeden shyqqan Murat Ábdilda bir kúnde mıllıoner atanǵan edi.