جاڭالىقتار
مادەنيەت جانە اقپارات ءمينيسترى بالاەۆا Dala جاڭالىقتارى جۋرناليستەرىنە جاقتاستى
مينيستر بالاەۆا ءوز ۇندەۋىن Facebook پاراقشاسىندا جاريالادى.
«قازاقستان رەسپۋبليكاسىنىڭ مادەنيەت جانە اقپارات مينيسترلىگى Dala news تاۋەلسىز باسىلىمىنىڭ توڭىرەگىندەگى جاعدايعا الاڭداۋشىلىق ءبىلدىرىپ, قازاقستان رەسپۋبليكاسىنىڭ كونستيتۋتسياسىنا, سونداي-اق «بۇقارالىق اقپارات قۇرالدارى تۋرالى» زاڭعا سايكەس «ەلىمىزدە ءسوز بوستاندىعىنا كەپىلدىك بەرىلگەن, تسەنزۋراعا تىيىم سالىنعان», — دەپ اتاپ ءوتتى بالاەۆا.
«سونىمەن قاتار, جوعارىدا اتالعان زاڭنىڭ 20-بابىنا سايكەس جۋرناليست اۆتورلىق جانە اقپارات كوزدەرىنىڭ قۇپياسىن ساقتاۋعا قۇقىلى.قازىرگى ۋاقىتتا Dala news بۇعان دەيىن جاريالانعان اقپاراتتى جوققا شىعاراتىن ماقالا جاريالاپ, سول ارقىلى باق-تىڭ قولدانىستاعى زاڭناماعا سايكەس مىندەتىن ورىندادى», — دەلىنگەن حابارلامادا.
«وسى فاكتىنى ەسكەرە وتىرىپ, مينيسترلىك جاعدايدى ەرەكشە باقىلاۋدا ۇستاپ وتىر جانە اتالعان باق-تى ىقتيمال قىسىمنان قورعاۋ ماقساتىندا قۇقىق قورعاۋ ورگاندارىمەن بىرلەسىپ ءتيىستى جۇمىستاردى جۇرگىزۋدە», — دەپ تۇيىندەدى مينيستر.
