«Mádenıetsizdik»: Medeýdegi aspaly jol kabınasyna «tas» laqtyrǵan jastar jurtty ashýlandyrdy

Foto: vıdeodan kadr

Búgingi tańda keıbir jastardyń mádenıet pen qurmettiń maǵynasyn joǵaltyp, ashyqtan-ashyq jabaıylyqqa deıin tómendep bara jatqany qatty ashyndyrady…

Áleýmettik jelide Medeýde bir top jigittiń aspaly jolǵa tasqa uqsaıtyn zattardy laqtyryp jatqany túsirilgen vıdeo qyzý talqylanyp jatyr. Buzaqylar kabınalardy arnaıy kózdep, qatty aıǵaılap, balaǵat sózder de aıtqan. Qazaqstandyqtar jastardyń bul áreketin aıyptap, shaǵymdandy, dep habarlaıdy  qandastar.kz aqparat portaly.

Kadrdan bir top jastyń aspaly jol kabınasyna kezek-kezek «tasqa uqsas zat» laqtyrǵanyn kórýge bolady, dep jazady Stan.kz.

«Osyndaı mádenıetsizdik pen jabaıy áreketterdi kórgende halqymyz úshin uıalyp ketesiń. Bular bolashaqta kim bolyp shyǵady? Kimge tárbıe beredi?», «Bul óte jaman. Olar kabınanyń ishindegi adamdardy qorqytyp, kabınany shaıqaltýy múmkin edi. Bul tyıym salynǵan jáne qaýipti áreket. Munyń sońy apatqa ákelýi múmkin edi”, – dep jazdy qoldanýshylar.

«Shymbulaq» taý-shańǵy kýrortynyń dırektory Rınat Ábdirahmanov oqıǵaǵa qatysty pikir bildirdi.

«Búgingi tańda keıbir jastardyń mádenıet pen qurmettiń maǵynasyn joǵaltyp, ashyqtan-ashyq jabaıylyqqa deıin tómendep bara jatqany qatty ashyndyrady… Bular tek adamǵa nemese múlikke qastandyq jasap turǵan joq- olar bizdiń ulttyq ımıdjimizge zııan keltirýde. Bul – ultty masqaralaý», – dep jazdy Abdrahmanov óziniń Instagram paraqshasynda.

Almaty polıııa departamenti bul fakti boıynsha Medeý aýdandyq ishki ister bólimi tergeý júrgizip jatqanyn habarlady.

«Quqyq buzýshylar mindetti túrde anyqtalyp, tıisti jaýapqa tartylady», – delingen polıııa habarlamasynda.