ماديەۆ دەنساۋلىق ساقتاۋ مينيسترلىگىن سوتقا بەرۋى مۇمكىن

فوتو: اشىق دەرەككوز

سەبەبى ولار اقپاراتتىق جۇيەلەردى بەكىتىلگەن مەرزىمدە قولدانىسقا ەنگىزبەگەن. بۇل تۋرالى تسيفرلىق دامۋ ءمينيسترى جاسلان ماديەۆ دەپۋتاتتاردىڭ ساۋالىنا جاۋاپ بەرۋ كەزىندە ايتتى, – دەپ حابارلايدى qandastar.kz atamekenbusiness_qaz-عا سىلتەمە جاساپ.

تالاپتى دەر كەزىندە ورىنداماي وتىرعانداردىڭ قاتارىندا اۋىل شارۋاشىلىعى مەن قارجى مينيسترلىگى دە بار.

ءمينيستردىڭ مالىمەتىنشە, قازىر تالداۋ جۇمىستارى ءجۇرىپ جاتىر. تەكسەرىستەن كەيىن ۆەدومستۆو اتالعان مەملەكەتتىك ورگاندارعا كەتكەن قاتەلىكتەردى جوندەۋ تۋرالى حابارلاما جىبەرەدى. ەگەر تالاپ ورىندالماسا, اكىمشىلىك ءىس قوزعالىپ, ايىپپۇل سالىنباق.

مينيستر سونداي-اق ۆەدومستۆولار اقپاراتتىق جۇيەلەردىڭ نەگە دەر كەزىندە قولدانىسقا بەرىلمەگەنى تۋرالى مالىمەت بەرگەنىن ايتادى. كەدەرگى كەلتىرگەن نەگىزگى جاعدايلار:

اقپاراتتىق جۇيەنى قۇرۋ جانە دامىتۋ كەزىڭىندە بيۋدجەتتىڭ قىسقارۋى;

اقپاراتتىق قاۋىپسىزدىك تالاپتارىن تەكسەرۋ كەزىندەگى قيىندىقتار;

اقپاراتتىق جۇيەنى قۇرۋ نەمەسە دامىتۋ كەزىندە وبەكت يەسىنىڭ اۋىسۋى.