«ماعان قاراعاندا جاس»: كۇيەۋىنە توقال «سىيلاعان» ايەل تالقىعا ءتۇستى

جەلىدە كۇيەۋىنە توقال سىيلاعان ايەلدىڭ ۆيدەوسى تارادى, دەپ جازدى Qandastar.kz.

كۇيەۋىنە باقىت تىلەپ ءسوزىن باستاعان ايەل سوڭىندا ونى قيمايتىنىن ايتتى.

«باقىتتى بولىڭىدار. ماعان قاراعاندا جاس ءارى ادەمى. قوساعىڭمەن قوسا اعار. ساعان باتامدى بەردىم, دەپ ويلاپ وتىر عوي دەيمىن. بىراق مەن قارسىمىن. سەنى بىرەۋگە بەرە قويادى دەيسىڭ بە? ماعان ءالى كەرەكسىڭ. مەن سەنى جاقسى كورەمىن, قيمايمىن», — دەدى ايەل ازىلدەپ.

جەلى قولدانۋشىلارى بۇل پرانكقا  قاتىستى ءتۇرلى پىكىر جازدى.

«قىزدى نە ءۇشىن قورلادى? ءوزىنىڭ قىزىنا وسىلاي جاساسا قالاي بولار ەكەن», «ايەل ەرىن مازاق قىلعان زامان بولدى», «نەكە تۋرالى قالجىڭداماڭدار», «كۇيەۋى قارسى ەمەس سياقتى», دەدى كوپشىلىك.