«Maǵan sıstema quıyp jatyr»: Almatyda aryqtaımyn dep qaza bolǵan muǵalim týraly tyń derek shyqty

Sýret: ınstagram @gulmir_ktk

Marqum ota jasalǵannan keıin birden jaǵdaıyn aıtyp, kúıeýine habarlama jazǵan. Almatyda aryqtaımyn dep ajal qushqan ustaz týraly jańa derek paıda boldy. Ol bul klınıkany 2-3 jyldan beri qarap júrgen, dep habarlaıdy KYN.KZ aqparat agenttigi.

Bul týraly marqum Quralaı Batyrhanovanyń sińlisi jýrnalıst Gúlmıra Ábiqaıdyń YouTube arnasynda bergen suhbatynda aıtty.

«О́zi bolmysynan tolyq edi. Jatyryna operaııa jasalǵannan keıin taǵy tola bastady. О́zi de kóp amal-tásilderin jasap júrdi. Keıinnen ishti operaııamen almasaq, bolmaı bara jatyr degendeı aıta bastady. Ekeýmiz ınternet aqtaryp klınıkalardy qarap, zertteı bastadyq. Taýyp barǵan klınıkamyz sol edi. Dárigerlermen tanystyq. Basqa adamdarǵa da jasalǵan eken, solardy oqydyq. О́zi qýanyp, sóıtip kelistik. Bul klınıkaǵa eshqandaı kúmán bolmady. Klınıkaǵa maýsym aıynyń basynan habarlasa bastadyq. Keıinnen keńes alýǵa dárigerge bardyq. «5 kelideı maı alamyz. Ary qaraı ózinen-ózi aryqtaı bastaıdy» dedi dáriger. Biz sendik», – deıdi marqumnyń sińlisi Sáýlet Batyrhan.

Marqum ota jasalǵannan keıin birden jaǵdaıyn aıtyp, kúıeýine habarlama jasaǵan.

«Ota tańǵy 7:45 shamasynda jasalǵan. Operaııa bitken ýaqytta 12:42-de palataǵa jatqyzǵan. Sol ýaqytta kúıeýine «Qaırat, men operaııadan shyqtym. Biraq óz-ózime áli kele almaı jatyrmyn» degen hat jazǵan. Sosyn sıtemanyń sýretin jibergen. «Myna kisiler maǵan sıstema quıyp jatyr. Biraq maǵan eshkim eshnárse aıtyp jatqan joq» degen. Sol ýaqyttan bastap úzildi. Biz qaıta-qaıta habarlastyq, 13:00-de, 15:00-te jazdyq. Keshki saǵat 17:00-de biz dabyl qaǵyp klınıkaǵa habarlastyq. Saǵat 20:00-de ápkemizdiń telefonynan dárigerden «Jaǵdaıy aýyr» degen hat kelgen. Barlyǵymyz sol jaqta jınaldyq. Bizge eshteńe aıtpady ártúrli dıagnozyn aıtty. Analızderin tapsyrǵanda barlyǵy durys bolǵan. Tek búıreginde kısta bary anyqtaldy. Biraq olar ota jasaýǵa onyń eshqandaı qatysy bolmaıdy degen bolatyn. Anyq eshteńe aıtpady, jedel járdem ózimiz shaqyrdyq. Ary qaraı polıııaǵa habarlastyq», – deıdi marqumnyń ekinshi sińlisi.

Aıtýynsha, klınıkanyń ataýy basqa jáne lıenzııasy bólek bolyp shyqqan. Marqum dárigerge qatty senip barǵan eken.