ماگدەبۋرگ قالاسىندا قازاقستاننىڭ قۇرمەتتى كونسۋلدىعى اشىلدى

گەرمانيانىڭ ماگدەبۋرگ قالاسىندا قازاقستاننىڭ قۇرمەتتى كونسۋلدىعى اشىلدى,

بۇل لاۋازىمعا فەليكس فون ليمبۋرگ تاعايىندالدى. ساكسونيا-انحالت جەرىندەگى جاڭا كەڭسەنىڭ الدىندا تۇرعان مىندەت-مەجەلەر جايلى ءتىلشى بەينەماتەريالىندا. كونسۋلدىقتىڭ اشۋ سالتاناتىنا ساياساتكەرلەر مەن كاسىپكەرلەر, گەرمانياداعى وزگە ەلدىڭ ديپلوماتتارى قاتىستى.

جاڭا كەڭسەنىڭ ماقساتى – قازاقستانمەن گەرمانيا اراسىنداعى قارىم-قاتىناستى ارتتىرىپ, ەل ەكونوميكاسىنا ينۆەستيتسيا تارتۋ. بۇل وڭىردە اۋىل شارۋاشىلىعى, حيميا ءوندىرىسى جاقسى دامىعان. سونداي-اق ءبىلىم مەن تۋريزم سالاسىنداعى بايلانىستاردى بەكەمدەۋگە مۇمكىندىك مول. جالپى قازىر قازاقستاننىڭ گەرمانيادا 4 قۇرمەتتى كونسۋلدىعى بار.

ولار گامبۋرگ, شتۋتگارت, گاننوۆەر جانە دورتمۋندتا ورنالاسقان.  راينەر روبرا, ساكسونيا-انحالت ايماعى ۇكىمەتى كەڭسەسىنىڭ باسشىسى: — قازاقستان – ءبىز ءۇشىن ماڭىزدى سەرىكتەس. ءبىز ەكىجاقتى بايلانىستاردى ودان ءارى ۇلعايتۋعا مۇددەلىمىز. ال ەلىمىزگە تانىمال كاسىپكەردىڭ باسقارۋى جاڭا كونسۋلدىقتىڭ جۇمىسىنا تىڭ سەرپىن بەرەرىنە سەنىمدىمىز. قازاقستان تابيعي رەسۋرستارعا باي. ال ءبىزدىڭ كاسىپكەرلەر تەحنولوگيالارىمەن بولىسۋگە دايىن. كريستيان ۆينتەر, «Euroglas» كومپانياسىنىڭ ديرەكتورى: — بۇل قۇرمەتتى كونسۋلدىق ساكسونيا-انحالت ءوڭىرى ءۇشىن وتە ماڭىزدى. سالتاناتتى اشىلۋعا ءتۇرلى سالا وكىلدەرىنىڭ كوپتەپ كەلىپ قاتىسۋى سوعان دالەل.

اۋىل شارۋاشىلىعى, شيكىزاتتى وڭدەۋ جانە تاماق ونەركاسىبىندە جاڭا بايلانىستار ورناتۋعا مۇمكىندىك بەرەدى. بۇدان بولەك, وڭىرىمىزگە گاز بەن سۋتەگى قاجەت. ەكىجاقتى قارىم-قاتىناس جانداناتىنىنا سەنىمدىمىن. اتالعان ايماقتا ەلىمىزدىڭ قۇرمەتتى كونسۋل مىندەتىن 30 جىلدان بەرى كاسىپپەن اينالىسىپ كەلە جاتقان تانىمال بيزنەسمەن فەليكس فون ليمبۋرگ اتقارادى. ونىڭ كومپانياسى قۇرىلىس سالاسىندا يننوۆاتسيالىق شەشىمدەردى جۇزەگە اسىرادى. كاسىپكەر ەكىجاقتى ەكونوميكالىق بايلانىستاردى نىعايتۋمەن قاتار مادەني-گۋمانياترلىق ىنتىماقتاستىقتى كەڭەيتۋگە نيەتتى.   فەليكس ليمبۋرگ, گەرمانيانىڭ ساكسونيا-انحالت ايماعىنداعى قر قۇرمەتتى كونسۋلى: — ءبىزدىڭ فەدەرالدىق ايماقتا ماشينا جاساۋ, جاڭعىرتىلاتىن ەنەرگيا جانە سۋتەگى ءوندىرىسى جاقسى جولعا قويىلعان.

وسى سەبەپتى كاسىپكەرلەرىمىز قازاقستاندا جاڭا سەرىكتەستەرىن تەز تابادى دەپ ويلايمىن. وسى باعىتتاعى ىنتىماقتاستىقتى ودان ءارى دامىتۋعا كۇش سالاتىن بولامىن. تاراپتار قۇرمەتتى كونسۋلدىقتىڭ اشىلۋى ەكىجاقتى قارىم-قاتىناستى بەكەمدەپ, جاڭا مۇمكىندىكتەرگە جول اشىلارىنا سەنىمدى. بۇل قادام قازاق ەلىنە قوسىمشا ينۆەستيتسيا مەن وزىق تەحنولوگيا تارتىپ, بىرلەسكەن جوبالاردى كوبەيتۋگە مول مۇمكىندىك بەرمەك.