Magnum داۋى: جۇمىستان قۋىلعان كۋرەرگە قاتىستى تىڭ دەرەك شىقتى

فوتو:Dalanews.kz

كليەنتتەن قازاقشا سويلەۋىن سۇراعان كۋرەر تۋرالى جاڭا دەرەكتەر بەلگىلى بولدى, دەپ حابارلايدى qandastar.kz   Dalanews.kz-كە سىلتەمە جاساپ.

جۋرناليست رۋسلان وتەپبايدىڭ مالىمەتىنشە, كۋرەردىڭ ەسىمى ەركىن. جاسى 38-دە. تالدىقورعاننىڭ تۋماسى. كۋرەر بولىپ جۇمىس ىستەپ جۇرگەنىنە 1,5 جىلداي بولعان.

«تاپسىرىس بەرۋشىنى راستاۋ ءۇشىن اتى-ءجونىن سۇرادىم ورىسشا جاۋاپ بەردى. قازاقشا سويلەي بەرسەڭىزشى دەدىم بار بولعانى. دورەكىلىك تانىتقام جوق», دەيدى كۋرەر Qazaqtimes-قا بەرگەن سۇحباتىندا.

وقيعا نەدەن باستالدى?

الەۋمەتتىك جەلىلەردە Magnum سۋپەرماركەتتەر جەلىسىنىڭ كۋرەرىنىڭ جۇمىستان شىعارىلۋى قوعامدا ۇلكەن تالقىعا ءتۇستى. بۇل جاعداي كۋرەردىڭ كليەنتتەن قازاق تىلىندە سويلەۋىن سۇراۋىنان كەيىن بولعان.

كليەنت اسىلحان ەسىمدى ازاماتتىڭ ايتۋىنشا, ول Magnum-نان ازىق-ت ۇلىككە تاپسىرىس بەرگەن كەزدە, كۋرەر ودان قازاقشا سويلەۋدى تالاپ ەتكەن. كەيىن بۇل وقيعا الەۋمەتتىك جەلىدە جاريالانىپ, ناتيجەسىندە كۋرەر جۇمىستان قۋىلعان.

Magnum كومپانياسى نە دەدى?

Magnum كومپانياسى بۇل جاعدايعا قاتىستى رەسمي مالىمدەمە جاساپ, كۋرەردىڭ جۇمىستان شىعارىلۋى تەك ءتىل ماسەلەسىنە بايلانىستى ەمەس ەكەنىن ايتتى. ولاردىڭ مالىمەتىنشە, كۋرەر كليەنتتەرمەن بىرنەشە رەت دورەكى سويلەسكەن.

كومپانيا بارلىق تۇتىنۋشىلارعا بىردەي قۇرمەتپەن قارايتىنىن جانە قىزمەت كورسەتۋ مادەنيەتىن جوعارى باعالايتىنىن جەتكىزدى.

قوعامدىق رەاكتسيا جانە بويكوت جاريالاۋ

بۇل جاعداي قوعامدا ۇلكەن نارازىلىق تۋدىردى. كوپتەگەن قازاقستاندىقتار Magnum جەلىسىنە بويكوت جاريالايتىنىن مالىمدەدى. الەۋمەتتىك جەلى قولدانۋشىلارى كومپانيانىڭ ارەكەتىن سىنعا الىپ, مەملەكەتتىك تىلگە دەگەن قۇرمەتتىڭ تومەندىگىن اتاپ ءوتتى.