ماگنۋمداعى داۋ: ەلدى دۇرلىكتىرگەن ەكى جىگىت تاتۋلاستى

فوتو: ۆيدەودان كادر

قوعامدا قىزۋ تالقىلانعان كۋرەر مەن تاپسىرىس بەرۋشىنىڭ اراسىنداعى داۋ اياقتالدى. كۋرەر ەركىن مەن تاپسىرىس بەرۋشى اسىلحان تاتۋلاسىپ, اراسىنداعى تۇسىنبەستىككە نۇكتە قويدى, دەپ حابارلايدى qandastar.kz

«سوڭعى كۇندەرى مەنى جانە ماگنۋمدى الەۋمەتتىك جەلىدە كوپ تالقىلاپ جاتىر. بارشاڭىزعا قولداۋ كورسەتكەندەرىڭىز ءۇشىن راقمەت. ءومىر بولعاننان كەيىن تۇسىنبەۋشىلىك بولاتىنى راس. بىراق ءبىز ءبارىمىز قازاقپىز. ەلىمىزگە تىنىشتىق پەن تاتۋلىق كەرەك. ءبىز كەزدەسىپ, تاتۋلاسىپ, قول الىستىق», – دەپ اتاپ ءوتتى كۋرەر ەركىن.

Skifnews.kz اقپاراتتىق پورتالى جازعانداي , قازىرگى تاڭدا ول ماگنۋمدا جۇمىسىن جالعاستىرىپ جاتىر.

«بارلىعى جاقسى, جۇمىس بەرۋشىگە ەشقانداي شاعىم جوق. وسىلايشا ماسەلەنى شەشىپ, توقتاساق دەيمىن. ءبارىمىز ءبىر قازاقپىز. ۇلكەن راقمەت», – دەدى ەركىن.

ال اسىلحان ءوز كەزەگىندە وسىنداي جاعدايدىڭ بولعانىنا وكىنەتىنىن ءبىلدىردى.

«مۇنداي جاعدايدىڭ بولعانى وكىنىشتى. قاتەمىزدى تۇسىندىك. ال ەكەۋىمىزدىڭ ءبىر-بىرىمىزگە ەشقانداي وكپە-رەنىشىمىز جوق. بارشىڭىزعا راقمەت», — دەپ ايتتى ول.