Magnýmdaǵy daý: Eldi dúrliktirgen eki jigit tatýlasty

Foto: vıdeodan kadr

Qoǵamda qyzý talqylanǵan kýrer men tapsyrys berýshiniń arasyndaǵy daý aıaqtaldy. Kýrer Erkin men tapsyrys berýshi Asylhan tatýlasyp, arasyndaǵy túsinbestikke núkte qoıdy, dep habarlaıdy qandastar.kz

«Sońǵy kúnderi meni jáne Magnýmdy áleýmettik jelide kóp talqylap jatyr. Barshańyzǵa qoldaý kórsetkenderińiz úshin raqmet. О́mir bolǵannan keıin túsinbeýshilik bolatyny ras. Biraq biz bárimiz qazaqpyz. Elimizge tynyshtyq pen tatýlyq kerek. Biz kezdesip, tatýlasyp, qol alystyq», – dep atap ótti kýrer Erkin.

Skifnews.kz aqparattyq portaly jazǵandaı , qazirgi tańda ol Magnýmda jumysyn jalǵastyryp jatyr.

«Barlyǵy jaqsy, jumys berýshige eshqandaı shaǵym joq. Osylaısha máseleni sheship, toqtasaq deımin. Bárimiz bir qazaqpyz. Úlken raqmet», – dedi Erkin.

Al Asylhan óz kezeginde osyndaı jaǵdaıdyń bolǵanyna ókinetinin bildirdi.

«Mundaı jaǵdaıdyń bolǵany ókinishti. Qatemizdi túsindik. Al ekeýimizdiń bir-birimizge eshqandaı ókpe-renishimiz joq. Barshyńyzǵa raqmet», — dep aıtty ol.