«ماحاببات – ۋاقىتشا دۇنيە, ۇزاققا بارمايدى»: جۇبانىش جەكسەن ۇلى وتباسىن ساقتاۋدىڭ جولىن ايتتى

تانىمال ءانشى جۇبانىش جەكسەن ۇلى “سىر” باعدارلاماسىندا جۇرتتى ويلاندىرعان مالىمدەمە جاسادى, دەپ جازدى Qandastar.kz

ونىڭ ايتۋىنشا, سەزىم ۋاقىتشا كەلەدى دە, كەتەدى. بىراق وتباسىنى ساقتاپ قالاتىن – قۇرمەت پەن سابىر.

«ماحاببات» دەگەن ءسوز بار, ول بار جەردە ول سەزىمنىڭ ءوزى دە بار دەگەن ءسوز. ەگەر «ماحاببات» دەگەن جوق بولسا, ول ءسوز دە بولماس ەدى. باسىنان ونى جوق دەپ مويىندار ەدىك. ماحاببات بار. سىيلاستىقپەن, قۇرمەتپەن, ىزگى سەزىمدەرمەن قورشالماسا جالاڭ ماحاببات ۇزاققا بارمايدى. مەنىڭ ويىمشا ماحاببات – ول ۋاقىتشا دۇنيە. ءيا, جالىندايدى, جانادى, ودان كەيىن سونەدى. بۇل جاۋابى جوق, تاۋسىلمايتىن اڭگىمە», — دەيدى جۇبانىش جەكسەن ۇلى.