«Máıithanadan alyp shyǵyp, ózim jýyndyrdym»: Ásel Asqar shetinep ketken sábıin esine aldy

Foto: https://www.instagram.com/assel.askar/

Tanymal aktrısa, bloger Ásel Asqar marqum sábıin esine alyp, jazba jarııalady. Bul týraly qandastar.kz Stan.kz aqparat agenttigi habarlaıdy.

Aıta keteıik kınojuldyz alty aılyq sábıinen aıyrylyp qalǵan edi.

«Búgin seniń joq bolǵanyńa eki jyl. Eki jyl buryn seniń júregiń toqtaǵan sátte men jansaqtaý bóliminde júgirip júrdim. Seni ol jerden tezirek alyp ketý úshin qajetsiz qaǵazdardy ustaǵan men dárigerlerge eshqandaı shaǵymym joq ekenin aıtý úshin zombı qusap júrdim. Sol kúni qandaı aýyr jaǵdaıda bolǵanymdy sózben jetkize almaımyn. Osy kúni seni kepteliste besik jyryn aıtyp, máıithanaǵa apara jatqan edim. Ýaqyt toqtap qalǵandaı edi», – dep jazdy aktrısa.

Sondaı-aq óner ıesi sábıiniń óliminen keıin ózgerip ketkenin de aıtty.

«Seniń deneń muzdaı bolyp, aýyrlap ketti. Máıithanaǵa seni alyp kelgenimizde medbıkeler shaı iship otyr edi. Seni olarǵa berip, dalada kútip turdym. Sodan qaıtadan keptelispen seni sońǵy ret úıge ákeldik. Úıge kelgenimizde perzenthanadan shyqqan kúni qarsy alǵandaı, taǵy da aldymyzdan anam shyqty. Biraq bul joly bizdi qaıǵyly júzben jáne qara kóılekpen kútip aldy. Seni oǵan shomyldyrýǵa bermedim, ózim jýyndyrdym. О́ıtkeni onyń júregi shydamaıdy, al men myqtymyn. Sol kezde bári maǵan aıanyshty túrmen qarady. Biraq maǵan ol unamady. Barlyǵyn qýyp shyqqym keldi. Bul qorqynyshtan oıanǵym keldi. Imam kelip duǵa oqydy, men ázer shydap turdym. Barlyǵy maǵan basý aıtty… Qudaı seni maǵan ne úshin berdi? Qaıta alý úshin be? Syılyqty bergen kezde qaıta almaıdy ǵoı. Imam kelip, barlyǵy meni asyqtyrdy. Kesh túspeı jer qoınyna tapsyrýymdy aıtty. Seni menen kúshpen tartyp aldy. Senimen birge burynǵy men, Ásel de joq. Tek robot bar», – dep jazdy otandyq kınojuldyz.