Máıiti qoımadan tabylǵan: ShQO-da áskerı boryshyn ótep júrgen sarbaz kóz jumdy

Foto: ashyq derekkóz

Shyǵys Qazaqstan oblysynda áskerı boryshyn ótep jatqan sarbaz óz-ózine qol saldy. Úıine oralýyna 4 aı qalǵanda 20 jastaǵy jigittiń máıiti áskerı qoımadan tabylǵan. Aıaqastynan bolǵan qaıǵyly jaǵdaıdy estigen onyń týystary es jııa almaı otyrǵan kórinedi, dep habarlaıdy  qandastar.kz «Astana» telearnasyna silteme jasap.

Kókshetaýlyq Asylhan Qalııaqbarov jarty jyldan astam ýaqyt buryn  áskerge ketken. Otbasynyń  kenjesi edi. Merzimin aıaqtap, úıge oralady dep kútip otyrǵanda, balasynyń qaza tapqanyn estigen ata-ana eseńgirep qaldy. Aıtýlarynsha, onyń máıiti  áskerı qoımadan asylǵan kúıinde tabylǵan. Biraq olar Asylhan ózin-ózi óltirdi degenge senbeıdi.

«Denesi, qabyrǵalary, qulaǵynyń tusy kógergen. Qulaǵy isip ketken. Kózi ashyq qalǵan, qoly  jumylyp qalǵan. Eger ol ózi istese, ózin-ózi qalaı uryp-soǵady? Bul bir adamnyń qolynan kelgen nárse me? Ol ózin-ózi óltirdi degenge men senbeımin», – deıdi marqumnyń anasy Asyltas Qalııaqbarova.

Al apasy Jumabıke Jaqsybekovanyń aıtýynsha,  Asylhan alǵashqyda Almatydaǵy áskerı bólimde bolǵan, keıin Úrjarǵa aýystyrylypty. Sodan keıin habarsyz qalǵan kórinedi. О́mirge qushtar edi, ózine qol jumsaýy múmkin emes deıdi.

Áskerge sap-saý ketken bozbalanyń máıitin  otbasyna ofıerlerdiń ózderi jetkizip bergen. Balasynan qapııada aırylyp qalǵan ata-ana endi ne isterin bilmeı otyr. Áskerı bólimshedegiler mardymdy jaýap bermeıdi deıdi