Maımyl sheshegi: Densaýlyq saqtaý mınıstrligi qazaqstandyqtarǵa eskertý jasady

Foto: ashyq derekkóz

Qazaqstannyń densaýlyq saqtaý mınıstrligi Kongo Demokratııalyq Respýblıkasynda maımyl shesheginiń órshýine jáne aýrýdyń kórshiles elderge taralýyna baılanysty shetelge shyǵatyn qazaqstandyqtarǵa eskertý jasady. Bul týraly qandastar.kz Stan.kz aqparat agenttigine silteme jasap habarlaıdy.

Densaýlyq saqtaý mınıstrliginiń málimetinshe, maımyl sheshegi – Poxviridae tuqymdasyna jatatyn vırýstyq aýrý. Aýrýdyń ınkýbaııalyq kezeńi 5-ten 21 kúnge deıin bolýy múmkin. Negizgi klınıkalyq belgileri: qyzba, bórtpe, tamaq aýrýy, bas aýrýy, bulshyqet jáne arqa aýrýy, lımfa túıinderiniń isinýi.

Búgingi kúnge deıin Qazaqstanda maımyl sheshegine shaldyǵýdyń birde-bir jaǵdaıy tirkelmegen. Respýblıka aýmaǵyna ınfekııanyń enýine jol bermeý boıynsha profılaktıkalyq is-sharalar júrgizilýde. Sanıtarlyq karantındik pýnktterde asa qaýipti aýrýǵa kúdikti naýqasty memlekettik shekaradan ótkizýge jol bermeý sharalary qabyldanǵan.

Mınıstrlik elimizde ınfekııanyń taralýyn boldyrmaý úshin endemııalyq elderge baratyn qazaqstandyqtarǵa:

– aýrý adamdarmen jáne aýrý janýarlarmen (maımyldar, egeýquıryqtar, tıinder jáne basqa da jabaıy janýarlar vırýs tasymaldaýshylary bolýy múmkin) baılanysta bolmaý;

– qorǵanys quraldaryn paıdalaný. Janýarlarǵa jaqyndaǵanda nemese olarǵa kútim jasaǵanda, ásirese zerthanalyq jaǵdaılarda, qorǵanys kıimderin, qolǵaptardy jáne maskalardy paıdalaný;

– gıgıenany saqtaý. Qoldy únemi sabynmen jýý jáne dezınfekııalaý quraldaryn qoldaný;

– bórtpe, bezgek, bas aýrýy jáne sharshaý sııaqty belgiler paıda bolsa, dıagnozdy anyqtaý jáne emdelý úshin dárigerge júginý qajettigin eskertti.

Dúnıejúzilik densaýlyq saqtaý uıymynyń basshysy Tedros Adhan Gebreıesýs maımyl sheshek indetin halyqaralyq deńgeıdegi densaýlyq saqtaý salasyndaǵy tótenshe jaǵdaı dep atady.

14 tamyz kúni Afrıkanyń aýrýlardy baqylaý jáne aldyn alý ortalyqtary (CDC) maımyl shesheginiń órshýine baılanysty tótenshe jaǵdaı jarııalady.

«Búgin tótenshe jaǵdaılar boıynsha komıtet jınalyp, maǵan bolyp jatqan jaǵdaıdyń halyqaralyq mańyzy bar densaýlyq saqtaý salasyndaǵy tótenshe jaǵdaı ekenin aıtty. Men bul keńesti qabyldadym», – dedi DDSU basshysy Gebreıesýs.

Onyń aıtýynsha, 2023 jyly maımyl sheshegin juqtyrý jaǵdaılary aıtarlyqtaı ósken, al bıylǵy jaǵdaılar ótken jylǵy kórsetkishten asyp túsip, 14 myńnan astam jaǵdaı tirkelgen. Onyń 524-i ólimmen aıaqtalǵan.

Eske salsaq, buǵan deıin Parıj olımpıadasynyń júldegerleri koronavırýs juqtyryp kelgeni týraly jazǵan edik.