مادەنيەت
ماقپال ءجۇنىسوۆا زامانبەك نۇرقادىلوۆتىڭ ءولىمى تۋرالى دەرەك ايتتى
فوتو: جەكە قورىنان
قر حالىق ءارتىسى ماقپال ءجۇنىسوۆا تەلەجۋرناليست دينا تولەپبەرگەنگە سۇحبات بەرىپ, جان سىرىن اقتاردى, دەپ جازادى qandastar.kz
سۇحباتتا ونەر يەسى مارقۇم ساياساتكەر زامانبەك نۇرقادىلوۆتى ەسىنە الدى.
«اتىن اتاپ, ءتۇسىن تۇستەپ, ءوزىن-ءوزى اتتى دەگەن پۋنكتتى الىپ تاستاۋ كەرەك. سوسىن بارىپ, ەسكەرتكىش نەمەسە مۇراجاي اشادى ما, سول دۇرىس بولاتىن ەدى. سول ءوزىن-ءوزى اتتى دەگەن نارسە ءالى تۇر عوي. سوعان قاراماستان بارىپ ەسكەرتكىش اشامىز دەيدى. سونداي ءتىرىلىپ كەلەدى مە ول كىسى? ادامنىڭ ارتىندا سول قيناپ ءولتىردى, اتىپ ءولتىردى, ۇرىپ ءولتىردى دەگەن نارسە بار. قاتتى ۇرعان دەيدى. جۋىندىرعان ادامدار ايتتى. بەلىندە ءۇش جەردە سىنىعى بار ەكەن. سوندا كادىمگىدەي تەپكەن بولىپ تۇر عوي. سونىڭ بارلىعى اشىلماعانىنا جۇرەك اۋىرادى», – دەدى ءجۇنىسوۆا.
