«Maqpal Júnisovanyń betin ashtym»: Muhamedjan Tazabek marqum Zamanbek Nurqadilovti esine aldy

Foto: Jeke paraqshadan alyndy

Tanymal aıtysker aqyn Múhamedjan Tazabek marqum saıasatker Zamanbek Nurqadilovti esine aldy, dep jazdy qandastar.kz

Bul týraly Stan.kzaqparat agenttigi habarlaıdy.

О́ner ıesi Zamanbek Nurqadilov pen Maqpal Júnisovanyń úılený toıynda bolǵanyn jýrnalıst Janar Baısemizge aıtyp berdi.

“Maqpal Júnisovanyń betin ashqanym ras. Ol kezde jas kelin oqtaý ustap, ıilip turǵan joq. Biz tek yrymyn jasadyq. Marqum Zamanbek aǵamyz óte kóp kómektesti. Qarasaı batyrdyń 300 jyldyq mereıtoıynda maǵan “Volga” mingizdi. Elge degen qurmeti men ónerge degen janashyrlyǵyn kórdik. Úıinde talaı ret qonaq boldyq”, – dedi medıa menedjer.

Sondaı-aq marqumnyń ólimine qatysty da pikir bildirdi.

“Keıde shyn shyryldaǵanyńnyń ózi qazaqqa kerek pe dep oılaımyn. Altynbek pen Zamanbek aǵalarymyzdyń qaıtys bolǵanynan góri, tiri júrgeni paıdaly emes pe?! Jalpy, bizdiń qoǵam seni ólimge qıyp jiberetinin seziný kerek. Keıde azamattarǵa “Baıqańdarshy” dep saqtandyryp otyramyn. Men Zamanbek aǵamyzdyń ólimin tap basyp eshteńe aıta almaımyn. Neshe túrli oqıǵalar bolady. “Myna adam atty” dep tap basyp, aıta almaımyz. Shyndyqtyń bári aqyrette ashylady”, – dedi Tazabek.