Makron áıelin er adam dep ataǵan blogerdi sotqa berdi

Franııa prezıdenti Emmanýel Makron men jubaıy Brıjıt ózderi týraly jalǵan aqparat taratqan amerıkalyq blogerdi sotqa berdi, dep habarlaıdy Qandastar.kz saıty VVS portalyna silteme jasap.

Buǵan deıin bloger Makronnyń áıeli er adam bolyp týǵan dep málimdep, mıllıondaǵan adamǵa taratqan.

Bloger birneshe ret Brıjıt Makronnyń er adam bolyp týǵanyn jarııa etken. AFP agenttiginiń habarlaýynsha, shaǵymda Oýens taratqan aqparattar «jalǵan, jala jáne oıdan qurastyrylǵan» dep sıpattalǵan.

Kendıs Oýens  áleýmettik jelilerde mıllıondaǵan jazylýshysy bar, konspırologııamen aınalysatyn tanymal tulǵa. Ol Brıjıt Makronnyń jynysyn ózgertkeni týraly beınerolıkter serııasyn da jarııalaǵan («Brıjıtke aınalý» ataýymen).

Bul teorııa birneshe jyldan beri áleýmettik jelilerde taralyp keledi jáne onda Brıjıt Makron shyn máninde Jan-Mıshel Tronıo degen atpen týǵan delinedi. Alaıda bul – Brıjıttiń týǵan aǵasynyń esimi, jáne teorııanyń eshbir dáleli joq.