ماكس كورجدىڭ الماتىداعى كونتسەرتى «قايراتتىڭ» ماتچتارىنا بايلانىستى وتپەيتىن بولدى

فوتو: maxkorzhmus Instagram پاراقشاسىنان الىندى

بەلارۋس ورىنداۋشىسى ماكس كورجدىڭ 6 قىركۇيەكتە الماتىنىڭ ورتالىق ستاديونىنا جوسپارلانعان كونتسەرتى وتپەيتىن بولدى, دەپ جازدى qandastar.kz

بۇل تۋرالى Stan.kzاقپارات اگەنتتىگى حابارلايدى.

سپورتتىق نىساندار ديرەكتسياسىنىڭ مالىمەتىنشە, ستاديون ۋەفا چەمپيوندار ليگاسىنىڭ توپتىق كەزەڭىندە «قايرات» فۋتبول كلۋبىنىڭ نەگىزگى ماتچتارىن وتكىزۋ ءۇشىن پايدالانىلادى.

«كەشە عانا كوماندا شوتلانديالىق «سەلتيكتى» جەڭىپ, جاقسى ناتيجە كورسەتتى. بۇل ءوز كەزەگىندە ارەناعا ءمىنسىز دايىندىقتىڭ قاجەت ەكەنىن بىلدىرەدى», – دەلىنگەن حابارلامادا.

ديرەكتسيا ەرەجەسىنە سايكەس, مادەني-بۇقارالىق ءىس-شارالاردى وتكىزۋگە كەلىسىمشارت تەك مەملەكەتتىك ورگانداردان تولىق رۇقسات قۇجاتتارى دايىن بولعان جاعدايدا عانا جاسالادى. الايدا كونتسەرت ۇيىمداستىرۋشىلارى تاراپىنان قاجەتتى قۇجاتتار بەلگىلەنگەن مەرزىمگە دەيىن تۇسپەگەن. بۇدان بولەك, ستاديوندى اۋقىمدى مادەني شارالارعا دايىنداۋ ادەتتە 10–20 كۇندى قاجەت ەتەدى. ال قازىر كونتسەرتتى وتكىزۋ مۇمكىن بولماي تۇر.

«وسىعان بايلانىستى شارانى وتكىزۋ زاڭدىق جانە تەحنيكالىق تۇرعىدان مۇمكىن ەمەس. ونداعان مىڭ كورەرمەن جينالاتىن كونتسەرتتەردىڭ تۇراقتى وتكىزىلۋى الاڭ گازونىنا ەداۋىر سالماق تۇسىرەدى. بۇل فۋتبول ماتچتارىنىڭ ساپاسىنا كەرى اسەر ەتەدى», – دەلىنگەن حابارلامادا.

سونداي-اق ديرەكتسيا الداعى ۋاقىتتا ورتالىق ستاديون تەك سپورتتىق شارالارعا پايدالانىلاتىنىن ايتتى. ال كورەرمەندەر بيلەتتەردىڭ اقشاسىن قايتارۋ ءۇشىن كونتسەرت ۇيىمداستىرۋشىلارى مەن بيلەتتەر ساتىلعان ورىندارعا جۇگىنۋى ءتيىس.

ايتا كەتەيىك, ماكس كورجدىڭ الماتىداعى كونتسەرتى فۋتبولعا بايلانىستى ءبىرىنشى رەت توقتاتىلىپ وتىرعان جوق. وتكەن جىلى دا ءانشى قازاقستان كۋبوگىنىڭ فينالىنا بايلانىستى كونتسەرتىن كەيىنگە قالدىرعان. كەيىن مۇلدە وتكىزبەي تاستاعان.

ەسكە سالايىق, بۇعان دەيىن قازاقستاندىقتار رەسەيلىك ءانشى پوليناگاگارينانىڭ كونتسەرتتەرىن وتكىزۋگە قارسىپەتيتسيا جاريالاعان ەدى. پەتيتسيا ماتىنىندە گاگارينانىڭ گاسترولدىك ساپارلارى قوعامنىڭ ءبىر بولىگىندە الاڭداۋشىلىق تۋعىزاتىنى اتاپ وتىلگەن.