جاڭالىقتار
ماقسات مۋسين جاڭا قىزمەتكە تاعايىندالدى

فوتو: gov.kz
مەريتوكراتيا قاعيداتىنا سايكەس قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ اپپارات باسشىسى لاۋازىمىنا ماقسات قابدۋعالي ۇلى مۋسين تاعايىندالدى, دەپ حابارلايدى qandastar.kz اگەنتتىككە سىلتەمە جاساپ.
ماقسات قابدۋعالي ۇلى س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن بىتىرگەن. قۇقىقتانۋ باكالاۆرى جانە ماتەماتيكا ماگيسترى.
مەملەكەتتىك قىزمەت ىستەرى اگەنتتىگىندە 20 جىلدان بەرى قىزمەت اتقارىپ كەلەدى. ەڭبەك جولىن 2005 جىلى اگەنتتىكتىڭ شىعىس قازاقستان وبلىسى بويىنشا باسقارماسىندا باس مامان لاۋازىمىنان باستاعان.
ءارتۇرلى جىلدارى اگەنتتىكتىڭ شىعىس قازاقستان وبلىسى بويىنشا باسقارماسىندا ءبولىم باستىعى, اگەنتتىكتىڭ مەملەكەتتىك قىزمەت جانە سىبايلاس جەمقورلىقتىڭ الدىن الۋ دەپارتامەنتىنىڭ باسقارما باسشىسى, مەملەكەتتىك قىزمەت سالاسىنداعى باقىلاۋ دەپارتامەنتى ديرەكتورىنىڭ ورىنباسارى, زاڭ دەپارتامەنتىنىڭ ديرەكتورى قىزمەتىن اتقاردى.