Maqsat Mýsın jańa qyzmetke taǵaıyndaldy

Foto: gov.kz

Merıtokratııa qaǵıdatyna sáıkes Qazaqstan Respýblıkasy Memlekettik qyzmet isteri agenttiginiń Apparat basshysy laýazymyna Maqsat Qabdýǵalıuly Mýsın taǵaıyndaldy,  dep habarlaıdy qandastar.kz agenttikke silteme jasap.

Maqsat Qabdýǵalıuly S.Amanjolov atyndaǵy Shyǵys Qazaqstan memlekettik ýnıversıtetin bitirgen. Quqyqtaný bakalavry jáne matematıka magıstri.

Memlekettik qyzmet isteri agenttiginde 20 jyldan beri qyzmet atqaryp keledi. Eńbek jolyn 2005 jyly Agenttiktiń Shyǵys Qazaqstan oblysy boıynsha basqarmasynda bas maman laýazymynan bastaǵan.

Ártúrli jyldary Agenttiktiń Shyǵys Qazaqstan oblysy boıynsha basqarmasynda bólim bastyǵy, Agenttiktiń Memlekettik qyzmet jáne sybaılas jemqorlyqtyń aldyn alý departamentiniń basqarma basshysy, Memlekettik qyzmet salasyndaǵy baqylaý departamenti dırektorynyń orynbasary, Zań departamentiniń dırektory qyzmetin atqardy.