Mal urlyǵynyń jazasy qatańdatylmaq

Foto: canva

Qazaqstanda mal urlyǵy azaıǵan. Bul týraly IIM onlaın-brıfınginde vedomstvonyń resmı ókili Shyńǵys Alekeshev baıandady, dep jazady qandastar.kz

2024 jyly respýblıka boıynsha 1026 mal urlyǵy oryn aldy. Bul byltyr tirkelgen jalpy urlyqtyń 3%-yn quraıdy. Atalǵan faktilerdiń jartysynan kóbi erkin jaıylymda jasalǵan. Polıııa 89 qylmystyq topty quryqtady. Olardyń quramynda 572 mal urysy bolǵan. Urlanǵan maldyń 4,5 myńnan astamy tabylyp, zańdy ıelerine qaıtaryldy. Osylaısha ótken jyly mal urlyǵynyń sany 30,5%-ǵa tómendedi.

«Jalpy qabyldanǵan keshendi sharalardyń arqasynda sońǵy bes jylda mal urlyǵy 64%-ǵa azaıdy. Qylmystyń osy túrimen kúresti kúsheıtý maqsatynda Ishki ister mınıstrligi basqa memlekettik organdarmen birlesip, zańnamalyq, uıymdastyrýshylyq jáne praktıkalyq sharalardy turaqty túrde júrgizedi», – dedi departament bastyǵy – IIM resmı ókili Shyńǵys Alekeshev.

Spıkerdiń sózinshe, osyndaı qadamdardyń biri retinde aýyl sharýashylyǵy janýarlaryn jaıý erejelerin qabyldaýdy atap ótýge bolady. Sondaı-aq jaıylym erejelerin buzǵany úshin Ákimshilik quqyq buzýshylyq týraly kodekstiń 408-baby boıynsha ákimshilik jaýapkershilik belgilengen. 2024 jyly 38,5 myńnan astam osyndaı buzýshylyq anyqtaldy. Odan bólek, mal urlyǵy úshin Qylmystyq kodekske jeke bap engizilgen. Onda múlki tárkilenip, 12 jylǵa deıin bas bostandyǵynan aıyrý jazasy qarastyrylǵan.

О́tken jyly mal urlyǵyna qarsy respýblıkalyq deńgeıde 2 is-shara, óńirlik deńgeıde 76 is-shara ótkizilgen. 2025 jyldyń qańtar aıynda elimizde 69 mal urlyǵy tirkeldi. 53 kúdikti ustaldy. 10 qylmystyq top áshkerelendi. Urlanǵan 450 maldyń 134-i ıelerine qaıtaryldy.

Maldy qylmystyq qol suǵýshylyqtan qorǵaý úshin IIM qarapaıym erejelerdi saqtaýdy usynady:

• maldy qaraýsyz qaldyrmańyz;
• GPS-trekerlerin ornatý arqyly baqylaýdyń zamanaýı ádisterin qoldanyńyz;
• malǵa en salyp, tańbalaýdy jáne chıpteýdi umytpańyz.