جاڭالىقتار
مامان دابىل قاقتى: ەر ادامدار بوديماسساجدان قاۋىپتى ۆيرۋس جۇقتىرىپ جاتىر
فوتو: اشىق دەرەككوز
قازىرگى تاڭدا كوپ ەركەكتەر جەڭىل ءجۇرىستى قىزدارعا ماسساج الۋعا بارىپ, ايەلدەرىنە قاۋىپتى ۆيرۋس جۇقتىراتىنى بەلگىلى, دەپ جازدى qandastar.kz
بۇل تۋرالى جۋرناليست ايگەرىم سەيفوللانىڭ يۋتۋب پودكاستىندا ءبىرىنشى ساناتتاعى اكۋشەر-گينەكولوگ, پرەزيدەنت اكىمشىلىگىنىڭ مەديتسينالىق ورتالىعى اۋرۋحاناسىنىڭ كونسۋلتاتسيالىق دياگنوستيكالىق ءبولىمىنىڭ دارىگەرى قالدىگۇل سەيتبەكوۆا باياندادى.
«يممۋنيتەت جاقسى بولۋ ءۇشىن دارۋمەندەردى ءجيى ءىشۋ كەرەك. ۆاكتسيناتسيادان قاشۋدىڭ قاجەتى جوق. ەشبىر ۆاكتسيناتسيا بەدەۋلىككە اسەر ەتپەيدى. ۆاكتسيناتسيا العان سوڭ دا ارقانى كەڭگە جايۋعا بولمايدى. ۆيرۋس يممۋنيتەتى تومەن ادامعا تەز تاراپ كەتەدى. ادام پاپيللوماسى – جىنىستىق جولمەن بەرىلەتىن اۋرۋلاردىڭ ءبىرى. ونى تەك پتر ارقىلى عانا تەكسەرە الامىز. ۆيرۋس جاسۋشا ىشىنە كىرىپ, وزىنە ۇقساس جاسۋشالاردى كوبەيتەدى», – دەيدى ول.
قالدىگۇل سەيتبەكوۆا كەيىنگى كەزدە بوديماسساج كوبەيگەنىن, كوپ جاعدايدا جىگىتتەر سولاردان جۇقتىرىپ, ايەلدەرىنە تاراتاتىنىن ايتتى. ال 2-3 جىل تەكسەرىلمەگەن جاعدايدا جاتىر وبىرىنا دۋشار بولىپ جاتادى.
