Maman tapshy jerge jumysqa barǵandarǵa 9 mln teńge beriledi – Aımaǵambetov

Foto: Úkimet baspasóz qyzmeti

Dárigerlerdi daıyndaýda qandaı problemalar bar? Kadr tapshylyǵy nege sheshilmeı jatyr? Májilis depýtaty Ashat Aımaǵambetov óziniń telegram arnasynda osy jáne basqa da suraqtarǵa jaýap berdi, dep habarlaıdy BAQ.KZ tilshisi.

Medıınalyq bilimge bólinetin qarjy kólemi óte tómen. Mınıstrlikte jumys istegende, bizdiń mınıstrlikke qarasty ýnıversıtetterge bıýdjetten bólinetin granttar sommasyn 400 myńnan 1-1,5 mlnǵa deıin kótergenbiz. Osy sheshimniń arqasynda biz oqytýshylardyń jalaqysyn da kóterip edik. Al medıına salasyndaǵy ýnıversıtetterdiń grant sommasyn jetkilikti deńgeıde kóterilmedi, – dep jazdy ol.

Depýttattyń sózinshe, granttarǵa bólinetin qarajat kólemi jetkiliksiz.

Bir dárigerdi daıyndaý úshin grantqa bıýdjetten bólinetin soma az mólsherde bekitilip, tek 1,2 mln bolsa, mınıstrlik ýnıversıtettermen kelisimshartty tek 1,1 mln-ǵa jasapty, ıaǵnı bólingen qarajattyń ózi tolyq jetpegen eken. Bul aqparatty anyqtaýymyz kerek, – dedi Aımaǵambetov.

Depýtat medıınalyq ýnıversıtetterde basqa elderdiń azamattaryn oqytýǵa tym kóp kóńil bólir jatqanyn aıtady.

Solaı bola tura, óz azamattarymyzdy oqytýǵa oryn az deıdi. Árıne, dárigerler de sosyn jetispeıdi. Bul máseleni Densaýlyq saqtaý mınıstrligi qaıta qaraýy kerek dep sanaımyn. Basymdylyq qazaqstandyqtarǵa berilge tıis. Ýnıversıtet oblysta ornalasqan bolsa da, kadr tapshylyǵy baıqalady. Oqyp jatqan stýdentterdiń kóbi basqa óńirlerden bolǵandyqtan, oblysta qalǵylary kelmeıdi, – dedi ol.

Depýtattar oblystyq ákimdik tarapynan qosymsha nysanaly granttar sanyn kóbeıtý týraly usynys jasady.

Bakalavrıat pen rezıdentýraǵa da oblystyq bıýdjetten qarajat bólinse, osy nysanaly grantpen oqyǵandar mindetti túrde oblys ákimdigi jibergen aýyl/qalaǵa baryp jumys isteıtin bolady. Biz kezinde ádeıilep engizgen bul normany shalǵaıdaǵy kadr tapshylyǵyn joıý úshin egizip edik. Ákimdikke ony keńinen qoldanǵan tıimdi bolar edi, – dedi májilismen.

Aımaǵambetov memlekettik grantty óteý tártibi qandaı ekenin atap ótti.

Qazirgi kezdegi tártip: memlekettik grantty ýnıversıtetti bitirgennen keıin kez kelgen jerde óz mamandyǵy boıynsha jumys istep óteý. Bul tártipti ózgertip, túlekterdi naqty joldama boıynsha, maman tapshy jerge baryp óteý boıynsha arnaıy normany zańǵa engizip sheshý usynyldy. Bul máseleni qosymsha talqylaımyz, – dedi ol.

Sóz sońynda Aımaǵambetov jaqsy jańalyq aıtty.

Biz bıyl saılaýaldy ýádemizge sáıkes zańǵa jaqsy ózgeris engizdik. Endi maman tapshylyǵy bar jerge baryp jumys istegenderge 9 mlnǵa jýyq birmezgildik kóterme aqy beriledi, – dedi májilis depýtaty.