«ماماندىعى اعىلشىن ءتىلى مۇعالىمى»: جۇك تاسيتىن استانالىق قىزدىڭ ايلىق تابىسى 1 ميلليون تەڭگەدەن اسادى

فوتو: سكرين

استانالىق ارۋ ايگەرىم سەرىك 5 توننالىق جۇك كولىگىن ايداپ, ادال ەڭبەك ەتىپ, كوپتىڭ كوڭىلىنەن شىعىپ ءجۇر. كولىك ايداپ, جۇك تاسىپ, كاسىبىن دوڭگەلەتىپ وتىرعان قىز تەحنيكانى 10 جاسىنان باستاپ مەڭگەرگەن. بۇل تۋرالى qandastar.kz اقپارات اگەنتتىگى “ەۋرازيا” ارناسىنا سىلتەمە جاساپ حابارلايدى.

“كولىككە قىزىعۋشىلىق تانىتۋىما اكەم سەبەپكەر بولدى. اكەم – تراكتاريست. العاشقى كولىگىمدى 18 جاسىمدا الدىم. كورگەن ادامداردىڭ ءبارى “قىز بالاعا مەحانيكا قيىن ەمەس پە?” دەپ سۇرايدى. جۇك كولىگىن العان سوڭ ادامداردىڭ قىزعۋشىلىعى دا, ماعان قويار سۇراقتارى دا ودان بەتەر ارتتى. تانىمال بولا باستادىم”, – دەيدى ايگەرىم سەرىك.

ايگەرىمنىڭ ايلىق تابىسى 1 ميلليون تەڭگەدەن اسادى. ايتۋىنشا, كۇنىنە 4-5 تاپسىرىس الىپ, كولىگىمەن جۇك تاسيدى. جۇك تاسۋ قىزمەتىنە سۇرانىس كۇن سايىن ارتىپ كەلەدى.

“ايگەرىممەن جۇمىس ىستەپ جۇرگەنىمىزگە 4-5 اي بولىپ قالدى. وتە جاقسى قىز. ايتقان ۋاقىتتا كەلەدى, تاپسىرىستى ۋاقىتىندا جەتكىزەدى. قوسشىعا دەيىن اپارادى, قوياندىعا دەيىن اپارعان كەزدەرى بولدى”, – دەيدى قالا تۇرعىنى نۇرسۇلتان قوسەكەنوۆ.

استانالىق ارۋدىڭ نەگىزگى ماماندىعى – اعىلشىن ءتىلى ءپانىنىڭ مۇعالىمى. ءتىپتى اكتەرلىك ءبىلىمى دە بار. الايدا ايگەرىم ديپلوممەن جۇمىس ىستەۋدەن كورى, بولاشاعىن كولىكپەن بايلانىستىرعاندى ءجون كورىپتى.

“الداعى ۋاقىتتا باسقا ەلدەردەن تەحنيكالار الىپ كەلەمىن. قازاقستاندىقتاردى ءتۇرلى تەحنيكالارمەن قامتاماسىز ەتۋ. جۇك كولىگى, تراكتور, سۋ تاسيتىن كولىك سەكىلدى قۇرىلىسقا كەرەكتى كولىكتەردى الۋ كەلۋ ويدا بار. بۇعان دەيىن دۋبايدان ماشينا, كولىكتىڭ بولشەكتەرىن تاسىعانمىن.

ايگەرىم سەرىك كولىكتى جوندەپ قانا قويماي, جوندەي دە بىلەدى. ودان بولەك اتتىڭ قۇلاعىندا وينايتىن ونەرى دە بار. استانالىق ارۋ ءتىپتى الەۋمەتتىك جەلىدە دە تانىمال.