ماماندىعىمىزدىڭ جاۋاپتى ەكەنىن ۇعىنامىز — قىزىلوردالىق قۇتقارۋشى

«قانداي جاعداي بولماسىن, ەل اماندىعى ءۇشىن كەز-كەلگەن جاعدايدا كومەك كورسەتۋگە دايىنبىز. قىزمەتكە قابىلدانعان العاشقى ساتتەن بۇل سالانىڭ جاۋاپتى ەكەنىن ۇعىنىپ كەلەمىز. تاجىريبەلى قۇتقارۋشىعا ءتان قاسيەتتەردى يگەرۋگە كوڭىل بولدىك. ماماندىقتىڭ قىر-سىرىن ۇيرەنۋگە كوڭىل بولدىك. ارينە, ماماندىعىمىز قاۋىپتى ەكەنىن راس. دەسە دە ءاربىر ساتتە جانقيارلىق ارەكەتپەن ادام ءومىرىن ساقتاۋعا كوڭىل بولەمىز. بۇل ءبىزدىڭ ومىرلىك ۇستانىمىمىزعا اينالعان. سونداي-اق, تابيعي جانە تەحنوگەندىك سيپاتتاعى اپات سالدارىنان زارداپ شەككەن تۇرعىندار مەن ولاردىڭ مال-مۇلكىن قۇتقارۋعا نازار اۋدارامىز. بيىل بۇل باعىتتا ەلىمىزدىڭ بىرنەشە وبلىسىندا جۇمىس جاسادىق. ءاربىر ساتتە حالىقتىڭ العىسىنا يە بولۋ ابىرويلى جانە ەر ازاماتقا لايىقتى قىزمەت ەكەنىن ۇعىنامىز. سوندىقتان دا قاي ۋاقىتتا بولماسىن قۇتقارۋشى ماماندىعىنىڭ مارتەبەسى بيىك ويلايمىن», — دەدى ول.

ول ءوزىنىڭ ۇزاق جىلعى ەڭبەگىنىڭ ارقاسىندا ءىى دارەجەلى «قۇتقارۋشى», «قۇتقارۋ وپەراتسيالارىنا بەلسەندى قاتىسقانى ءۇشىن», ءىىى دارەجەلى «توتەنشە جاعدايلار جۇيەسىنە ەڭبەگى سىڭگەن قىزمەتكەر» توسبەلگىسىمەن ماراپاتتالعان. سونداي-اق, توتەنشە جاعدايلار مينيسترلىگىنىڭ بىرنەشە مارتە العىس حاتىن يەلەنگەن. بۇگىندە ول 2 ايعا جۋىق قوستاناي, اقتوبە, باتىس قازاقستان, اتىراۋ وبلىستارىندا سۋ تاسقىنىنىڭ الدىن الۋ باعىتىندا جۇمىستار جۇرگىزىپ كەلەدى.

«توپان سۋدىڭ الدىن الۋ جانە جويۋ كەزىندەگى قاجەتتى تەحنيكالارعا ۋاقىتىلى كۇتىم كورسەتىلىپ, ولاردىڭ ۇزدىكسىز جۇمىس جاساپ تۇرۋى ماڭىزدى. مەن بالا كەزدەن اكەم كولىك جوندەپ جاتقاندا قاسىندا ءجۇرىپ, قاتتى قىزىعاتىن ەدىم. ال قازىر ءوزىمنىڭ بالالارىم مەنىڭ جانىمدا ءدال سولاي قۇراق ۇشىپ تەحنيكا جوندەۋگە كومەك كورسەتەدى», — دەدى ول.

وبلىستىق جەدەل قۇتقارۋ جاساعىندا رادياتسيالىق-حيميا ءبولىمنىڭ باس قۇتقارۋشى لاۋازىمىن اتقارىپ كەلە جاتقان كاسىبي مامان 2 ۇل, 1 قىز تاربيەلەپ وتىر. ول قۇتقارۋشىدان جوعارى ساناتتى باس قۇتقارۋشىعا دەيىن كوتەرىلدى.