«مامبەت» سوزىمەن ويناعان مۇحاماديەۆا: قازاقتار قاراعاندى تۇرعىنىن ەلدەن قۋدى تالاپ ەتۋدە

الەۋمەتتىك جەلىدە قازاقتاردىڭ ار-نامىسىنا تيەتىن جازبا قالدىرعان قاراعاندى تۇرعىنى اليكا مۋحاماديەۆاعا قاتىستى باس پروكۋرورعا ارىز ءتۇستى, دەپ جازادى qandastar.kz ۇلتتىق پورتالىErtenmedia باسىلىمىنا سىلتەمە جاساپ.

بۇل تۋرالى تانىمال جۋرناليست ايبار ولجاي حابارلاپ, ءبۇتىن ءبىر ۇلتتى كەمسىتكەن جازبا قىلمىستىق كودەكستىڭ 174-بابىمەن («الەۋمەتتىك, ۇلتتىق, رۋلىق, ناسىلدىك ارازدىقتى قوزدىرۋ») سارالانۋى مۇمكىن ەكەنىن ەسكەرتتى.

Instagram پاراقشاسىندا جاريالانعان جازبادا مۋحاماديەۆا قازاق تىلىندە سويلەۋدى تالاپ ەتەتىندەردى مازاق ەتىپ, مەملەكەتتىك ءتىلدى «پولۋكالبيتسكي ديالوگ» دەپ كەلەمەجدەگەن. 

سونىمەن قاتار, «قازاقستان نەمەن تانىمال?» دەگەن ساۋالعا «مامبەتامي» دەپ جاۋاپ بەرىپ, ەلدەگى تيتۋلدى ۇلتى كوپشىلىك الدىندا كوپ-كورنەۋ كەمسىتكەن.

ايبار ولجاي بۇل ماسەلەگە ءوزى عانا ەمەس, بىرنەشە ادامنىڭ شاعىم تۇسىرگەنىن, سول سەبەپتى ءىستىڭ اۋقىمى كەڭەيىپ, ستاتۋسى جوعارىلايتىنىن جەتكىزدى. 

قازىرگى ۋاقىتتا باس پروكۋراتۋرانىڭ ەكسترەميزممەن كۇرەس ءبولىمى ماتەريالدى قاراستىرۋدا, تەكسەرۋ بارىسىندا زاڭ بۇزۋشىلىقتىڭ بەلگىلەرى راستالسا, ءىس قاراعاندى وبلىستىق پوليتسيا دەپارتامەنتىنە جولدانباق.

جەلىدەگى جۇرت ءوز كەزەگىندە مۇحاماديەۆانى قازاقستاننان دەپورتاتسيالاۋدى تالاپ ەتۋدە. 

ەگەر كىناسى دالەلدەنسە, ول 2 جىلدان 7 جىلعا دەيىن باس بوستاندىعىنان ايىرىلۋى مۇمكىن.  

سەنىمدى دەرەككوزدىڭ حابارلاۋىنشا, اليكا مۋحاماديەۆا قاراعاندى پوليتسيا دەپارتامەنتىنە تەرگەۋگە شاقىرىلدى. قازىرگى مينۋتتا تەرگەۋشى الدىندا وتىر.

قر قىلمىستىق كودەكسىنىڭ 174 بابى ىسكە قوسىلاتىن سىڭايلى. «ادىلەتتى قازاقستان» زاڭ مەن ءتارتىپ قاعيداسىن دەر كەزىندە ورناتۋدا جانە بارىمىزگە جازار الدىندا, ىستەر الدىندا, سويلەر الدىندا ويلانۋ كەرەك.