MÁMS boıynsha jarna mólsheri artady

Foto: ashyq derekkóz

MÁMS boıynsha jarna mólsheri 5 ese artady, dep jazdy qandastar.kz

Mindetti áleýmettik medıınalyq saqtandyrý boıynsha zań jobasy ázirlendi. Densaýlyq saqtaý mınıstrligi qujatty Májilistiń áleýmettik-mádenı damý komıtetiniń depýtattaryna tanystyrdy. Buǵan deıin aıtqanymyzdaı, 2026 jyldan bastap tegin medıınalyq kómektiń bir bóligi saqtandyrý júıesine ótedi de biryńǵaı medıınalyq paketi ázirlenedi. Resmı tirkelgen jumyssyz azamattardyń MÁMS jarnasyn jergilikti ákimdikter tóleýge mindetteledi.

Bul shamamen 1 mln adamdy júıege qosýǵa múmkindik bermek. Al joǵary jalaqy alatyndar jarnany kóbirek tóleıtin bolady. Mysaly, qazir 1,5 mln teńge jalaqy alatyndar 17 myń teńge tólese, kelesi jyldan bastap 30 myń teńge aýdarýǵa mindetteledi. Tabysy joǵarylaǵan saıyn jarna mólsheri de arttyrylady. 3 mln teńge alatyndar 60 myń teńge, 4,2 mln teńge tabys tabatyndar 85 myń teńge jarna tóleıdi. Bir sózben aıtqanda MÁMS boıynsha jarna mólsheri 5 ese arttyrylady. Zań jobasyn ázirleýshiler bul ádiletsizdikti joıady degen pikirde. Al depýtattar qujatty áli de pysyqtaý kerek dep otyr.