MÁMS-tegi ádiletsizdik qashan toqtaıdy? — depýtat Ábenov

Foto: feısbýk

Qazaqstandaǵy mindetti áleýmettik medıınalyq saqtandyrý (MÁMS) júıesiniń kemshilikteri kún ótken saıyn anyq baıqalýda. Osyǵan oraı 30 sáýirde Májiliste medıınalyq saqtandyrýǵa qatysty zań jobasy alǵashqy oqylymda maquldanǵanymen, depýtattar bul saladaǵy túıtkilderdi ashyq synap, tyń usynystar jasady, dep habarlaıdy  qandastar.kz Dalanews.kz-ke silteme jasap.

Májilis depýtaty Aıdos Sarym qazirgi júıeniń basty kemshiligi retinde medıınalyq qyzmetke bólinetin qarjyny taratý men baqylaý tek memlekettik mekemelerdiń qolynda shoǵyrlanyp qalǵanyn aıtady. Mundaı jaǵdaı sapasyz medıınalyq qyzmet pen qarajattyń tıimsiz jumsalýyna jol ashyp otyr.

Depýtat bul máseleni sheshýdiń joly retinde saqtandyrý jarnalarynyń bir bóligin azamattardyń jeke tańdaýymen jeke saqtandyrý qorlaryna aýdarýǵa ruqsat etýdi usyndy.

«Meniń usynysym – jumys berýshi nemese qyzmetkerdiń aýdaryp otyrǵan aqshasynan keminde 1%-yn paıent ózi qalaǵan jeke saqtandyrý qoryna jiberýge múmkindik berý. Búgingi kúni MÁMS aıasynda qyzmet kórsetetin mekemeler – negizinen memlekettik emhanalar men sanaýly ǵana jeke klınıkalar. Onyń ózinde jeke klınıkalar tek qalalarda ornalasqan. Aýyl turǵyndarynda tańdaý múmkindigi joq. Al azamattar ártúrli sebeptermen jeke medıınalyq ortalyqtarǵa júgingisi kelse, nege biz olarǵa ondaı múmkindikti bermeımiz?» – deıdi Aıdos Sarym.

Onyń sózinshe, emdelýshiniń ózi qalaǵan mekemege barýy, ásirese, issapar nemese basqa sebeppen turǵylyqty jerinen tysqary júrgen kezde asa mańyzdy. Qazirgi qoldanystaǵy erejelerge saı ózge óńirde medıınalyq qyzmet alýǵa kóbine múmkindik joq. Bul jaǵdaıda azamattar medıınalyq qyzmettiń aqysyn óz qaltasynan tóleýge nemese úıge qaıtqansha shydaýǵa májbúr.

Aıdos Sarym usynǵan ıkemdi júıe azamattardy óz densaýlyǵyna uqypty qaraýǵa yntalandyryp qana qoımaı, básekelestikti kúsheıtip, medıınalyq qyzmet sapasyn arttyrady. Buǵan qosa ár azamatqa tıesili medıınalyq saqtandyrý polısin búkil el aýmaǵynda qoldanýǵa bolatyn ámbebap ári jeke nómiri bar elektrondy qujat retinde engizý qajet. Bul óz kezeginde qarajattyń durys jumsalýyn qadaǵalaýǵa, medıına mekemeleriniń jalǵan qyzmet kórsetýin toqtatýǵa jol ashady.

Al Májilis depýtaty Murat Ábenovtiń pikirinshe, Qazaqstandaǵy medıınalyq saqtandyrý júıesi áýel bastan durys qurylmaǵan. Qazir júıedegi baqylaýdyń barlyǵy Densaýlyq saqtaý mınıstrligi men Áleýmettik medıınalyq saqtandyrý qorynda ǵana shoǵyrlanǵan. Al júıege aqsha tólep otyrǵan halyq sol qarajatty basqarý men baqylaýdan múldem tys qalǵan.

Ábenov, sonymen qatar, medıınalyq qyzmet kórsetýde za buzýshylyqtarǵa barǵan mekemelerdiń jaýapkershiligin qatańdatýdy talap etti. Onyń aıtýynsha, qazirgi tańda medıınalyq mekemelerge salynatyn aıyppuldyń kólemi jasalǵan zańbuzýshylyqtyń aýyrlyǵyna sáıkes kelmeıdi. Tipti keıbir medıınalyq mekemelerdiń lıenzııasyz qyzmet kórsetýi, talapqa saı emes jabdyqtardy qoldanýy nemese mamandardyń biliktiligi tómen bolýy sekildi óte óreskel jaǵdaılar kezdesedi.

«Aıyppul kólemi jasalǵan zańbuzýshylyqtyń salmaǵynan birneshe ese tómen. Onyń ústine sol aıyppuldy tóletý úshin memleket zań buzǵan mekemege burynǵydan da kóp memlekettik tapsyrys berýge májbúr bolyp otyr», – deıdi Murat Ábenov.

Osylaısha Májilis depýtattary MÁMS júıesin halyqtyń paıdasyna qaraı qaıta qurý qajettigin kóterip, medıınalyq qyzmet sapasyn arttyrýdyń naqty ári tıimdi joldaryn usynyp otyr.