«MÁMS-tiń mıllıardtary qaıda ketip jatyr: Jedel járdem qyzmetkerleri naýqastardyń shaqyrtýyna jeńil kólikpen barǵan

Foto: t.me/letterskz

Astanalyq turǵyn balasy aýyryp qalǵan soń jedel járdem shaqyrtqan. Alaıda medıına qyzmetkerleri qyzmettik kólikpen emes, jeńil kólikpen kelgen. Bul týraly qandastar.kz Stan.kz aqparat agenttigine silteme jasap habarlaıdy.

“Pısma prezıdentý” Teleram arnasynda elordalyq turǵyn balasynyń ishi aýyryp, jedel járdem shaqyrtqany týraly jazdy. Alaıda medıına qyzmetkerleri jedel járdem kóligimen emes, jeńil kólikpen kelgen.

“Feldsherler qyzmettik kóliktiń jetpeı jatqanyn aıttty. Memlekettik áleýmettik medıınalyq saqtandyrýdyń mıllıardtary qaıda ketip jatyr, oılap kórińdershi”, – dep jazdy astanalyq.

Bul jazbanyń astyna jeli qoldanýshylary MÁMS-ke qatysty pikir qaldyrdy.

“Jedel járdemge qarajat MÁMS-ten bólinbeıdi. Sol sebepti materıaldyq jaǵyn eskerińder”, “Halyq eńbekpen tapqan aqshasyna salyq, zeınetaqy tóleıdi. Sóıtip júrip MÁMS-ke áreń qol jetkizedi. Sóıte tura halyqqa jedel járdemmen kómek kórsetip, qyzmet etýdiń algorıtimin oılap taba almaǵany ma?”, – dep oıyn ortaǵa saldy jelidegiler.

Osy tusta Astana qalasy densaýlyq saqtaý basqarmasy medıına qyzmetkerleriniń ne sebepti jeńil kólikpen qyzmet kórsetip júrgenin túsindirdi.

“Elordanyń halyq sany jáne basqa óńirlerden kelýshilerdiń kóbeıýine baılanysty jedel járdemge shaqyrtýlar artty. Onyń 80%-y jedeldiktiń 3-4 sanatyna tıesili. Turǵyndarǵa yńǵaıly bolý úshin sanıtarlyq avtokóliktiń jetispeýshiligin boldyrmaý jáne jedel járdem brıgadasynyń kútý ýaqytyn qysqartý maqsatynda Qalalyq jedel medıınalyq járdem stanııasy jeńil avtokólik quraldaryn jaldaý shartyn jasady. Jeńil avtokólik naýqasty tasymaldaý jáne medıınalyq jabdyqtarmen jaraqtandyrý talap etilmeıtin, jedeldiktiń 3-4 sanattaǵy shaqyrýlaryna shyǵady”, – dep málimdedi vedomstvo.

Densaýlyq saqtaý basqarmasynyń málimetinshe, osy jyldyń qarasha aıyna deıin 35 birlik sanıtarlyq avtokólik satyp alý josparlanyp otyr. 2025 jyldyń birinshi jartyjyldyǵynda taǵy 35 jedel járdem mashınasyn satyp alý jospar bar.

“Sondaı-aq sanıtarlyq avtokólikke turaqty negizde jóndeý júrgizý boıynsha shart bar. Bul sharalar ýaqytsha: bıyl 35 jańa avtokólik satyp alǵannan keıin jáne jóndelgen kólikterdi paıdalanýǵa bergennen keıin jeńil avtokólikpen kelisimshart qajet bolmaıdy. Sonymen qatyr bul jedel járdemniń kelý ýaqytyn aıtarlyqtaı qysqartýǵa múmkindik beredi”, – delingen habarlamada.