ماڭعىستاۋ اكىمى جاستارعا ءبىلىم الۋ ءۇشىن اقتاۋدا قالماۋعا كەڭەس بەردى

فوتو: stan.kz

ماڭعىستاۋ وبلىسىنىڭ اكىمى نۇرداۋلەت قيلىباي ورتالىق كوممۋنيكاتسيالار قىزمەتى الاڭىندا وتكەن بريفينگتە جاستارعا دامۋ ءۇشىن باسقا قالالاردا ءبىلىم الۋعا كەڭەس بەردى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

نۇرداۋلەت قيلىبايدان بريفينگ بارىسىندا جاستار ماسەلەسى قوزعالىپ, ولاردىڭ باسقا قالالاردا ءبىلىم الۋىنا قاتىستى سۇراق قويىلعان

«بىزدە تۋريزم كوللەدجى جاستار اراسىندا سۇرانىسقا يە. تۇلەكتەر دە جۇمىسسىز قالمايدى, ديپلوم العان سوڭ جەرگىلىكتى تۋريستىك نىساندارعا بىردەن ورنالاسادى. جوعارعى وقۋ ورىندارىنا كەلسەك, قازىر 13 مىڭ ستۋدەنت ءبىلىم الىپ جاتىر. تەك اقتاۋدا وقۋ مىندەتتى ەمەس. ماعان تاڭداۋ بەرسە, مەن اقتاۋدى تۋىپ وسكەن سوڭ, باسقا قالادا وقيتىن ەدىم. مەن الماتىدا تەمىر جول ينستيتۋتىن اياقتادىم. ول جەردە جاڭا دوستار تاپتىم, بارشا قازاقستاننىڭ دىلىمەن تانىستىم. مەن ءۇشىن وڭتۇستىكتەن, سولتۇستىكتەن, شىعىس نە باتىستىڭ تۋماسى دەگەن پىكىر جوق. سوندىقتان مەنىڭشە, تۋعان قالاڭدا قالعانشا, تانىمىڭ مەن ويلاۋ قابىلەتىڭدى جاقسارتۋ ءۇشىن باسقا قالاعا كەتكەن ءجون», – دەدى نۇرداۋلەت قيلىباي.

وبلىس اكىمى جاستاردىڭ باسقا قالالارعا كەتۋى قالىپتى جاعداي دەيدى.

ء«تىپتى ءوز بالالارىمنىڭ دا اقتاۋدا قالعانىن قالامايمىن. مەن قانداي جولمەن وتسەم, ولار دا سونى كورۋى كەرەك. شىنىمدى ايتايىن, مەن اقتاۋدا وقۋعا كەڭەس بەرمەيمىن. ءبىلىم ساپاسىن قۇرمەتتەمەيمىن دەگەن ءسوز ەمەس. ەسەنوۆ ۋنيۆەرسيتەتى ساپالى ءبىلىم بەرەدى. بۇل تانىم كوكجيەگىنە قاتىستى», – دەپ ءتۇسىندىردى وبلىس باسشىسى.