MAŃǴYSTAÝ OBLYSYNDA «AŃSAǴAN SÁBI» JOBASYMEN 273 JUPQA KVOTA BERILEDI

Mańǵystaý oblysynda bıyl «Ańsaǵan sábı» jobasymen 273 jupqa kvota beriledi

Prezıdent Joldaýyna oraı júzege asqan joba sábı kútip júrgen talaı shańyraqty shattyqa bólegeni anyq. Sońǵy eki jylda shalǵaı óńirde turatyn 300-den astam áıel ekstrakorporaldyq uryqtandyrý arqyly sábıli boldy.

Aqtaý turǵyny Gúlsara Kúmisqalıeva ekinshi sábıin ekstrakorporaldyq uryqtandyrý arqyly dúnıege ákeldi. 49 jastaǵy áıel medıınalyq sharany elordaǵa baryp jasatypty.

Úkilegen úmiti aqtalyp, qyzdan keıin ul týǵanyna qýanyshty

. Balanyń da, anasynyń da jaǵdaıy birqalypty. Gúlsara Kúmisqalıeva, qala turǵyny: — Ata-ana bola almaı júrgenderge keńes beremin. Ekony Astanadan jasattym, sátti shyqty. Maqsatyńa jetesiń, sony sabyrlyqpen kútý kerek. bári oıdaǵydaı bolady. Jaqsy jaǵdaılarymyz, raqmet bárine. Dárigerlerge de, qoldary dert kórmesin.

«Ańsaǵan sábı» baǵdarlamasy 2026 jylǵa deıin jalǵasady. Qazir elimizde jyl saıyn 7000 kvota bólinedi. Kvotaǵa úmitker otbasy turǵylyqty mekenjaıy boıynsha emhanaǵa tirkeledi. Ýchaskelik terapevtiń nusqaýymen reprodýktologııa ortalyǵyna baryp, analız tapsyrady.

Ekstrakorporaldyq uryqtandyrý jasatýǵa densaýlyǵy jarasa, gınekolog-dáriger qorytyndysy densaýlyq saqtaý basqarmasyna joldanady. Sol jerde komıssııa qujattardy qarap, oń sheshim shyǵarǵan jaǵdaıda otbasylyq jup kezekke turady.

Iýlııa Dosahanova, DSB shtattan tys otbasyn josparlaý jáne reprodýktıvti densaýlyq jónindegi úılestirýshisi: — Osy jylǵa 273 kvota berildi bizdiń Mańǵystaý oblysyna. Jyldyń basynda birinshi komıssııa ótti. Qazirde biz qujattardy biz jınaqtap jatyrmyz, ıaǵnı kezekke qoıýǵa. Ol otbasy bir jyldyń ishinde turaqty birge tursa jáne júkti bolmasa, biz sol kezde «bedeýlik» dıagnozyn qoıamyz.

Oblystyq densaýlyq saqtaý basqarmasynyń málimetinshe, Mańǵystaý oblysynda myń jarym otbasy kezekte tur. Eskeretin jaıt, sábı súıgisi keletin otbasy mindetti áleýmettik medıınalyq saqtandyrý aıasynda ekstrakorporaldyq uryqtandyrýdy jylyna bir ret tegin jasata alady. Talpynysy sátsiz aıaqtalsa, kelesi jylǵa kezekke turýyna múmkindigi bar.