Jańalyqtar
Mańǵystaý oblysynda eki ákim orynbasary esirtki qylmysyna qatysy bar degen kúdikpen ustaldy
Foto:istockphoto
Mańǵystaý oblysy polıııa departamenti qyzmetkerleri esirtki qylmysyna qatysy bar degen kúdikpen Munaıly aýdanynyń úsh turǵynyn ustady, dep jazdy qandastar.kz
Bul týraly Stan.kz aqparat agenttigi habarlaıdy.
Kúdiktilerdiń ishinde Munaıly aýdany ákiminiń orynbasary men Atameken aýyldyq okrýgi ákiminiń orynbasary bar.
«Atalǵan derek boıynsha sotqa deıingi tergeý bastaldy. Qazirgi tańda aýdan ákiminiń orynbasary ýaqytsha ustaý ızolıatoryna qamaldy, al ózge kúdiktilerge qatysty bultartpaý sharasy qarastyrylyp jatyr. Tárkilengen zattar saraptamaǵa jiberilip, tıisti tergeý amaldary júrgizilip jatyr», — delingen habarlamada.
Arnaıy operaııa Mańǵystaý oblystyq polıııa departamentiniń Esirtki qylmysyna qarsy is-qımyl basqarmasy júrgizip jatqan «Qarasora-2025» jedel-profılaktıkalyq is-sharasy aıasynda ótken.
«Mańǵystaý oblysy ákimdigi memlekettik qyzmetshiler arasynda sybaılas jemqorlyq pen zańsyz áreketterge múlde tózbeýshilik saıasatyn júıeli túrde júzege asyryp keledi. Zań talaptaryn buzǵandarǵa qoldanystaǵy zańnamaǵa sáıkes eń qatań sharalar qoldanylady. Memlekettik qyzmet qataryn adal emes qyzmetkerlerden aryltý — ákimdiktiń basty basymdyqtarynyń biri», — delingen habarlamada.
