Mańǵystaý oblysynda qozy kótergen búldirshin jurtty súısintti

Foto:skrın

Ol kóktemgi tól qozyny 35 ret kóterip, birinshi oryn alǵan.

Mańǵystaý oblysy Taýshyq aýylyndaǵy naýryz merekesi erekshe toılandy. Balabaqsha ákimshiligi búldirshinder arasynda arqan tartys, asyq atý, qozy kóterý sekildi ulttyq oıyndardan jarys uıymdastyrǵan. Kishkentaı balaqaılardyń merekesi tartysty ótti, dep habarlady qandastar.kz saıty «KTK» telearnasyna silteme jasap.Sanjar esimdi bes jasar balaqaıdyń qozy kóterip jatqan sáti kópshilikti súısintti. Ol kóktemgi tól qozyny 35 ret kóterip, birinshi oryn alǵan.

Bóbekjaıdaǵy «áz-Naýryz» merekelik is-sharasyna baldyrǵandardyń ata-analary, balabaqsha ujymy qatysqan. Aýlada qazan asylyp, naýryz kóje pisirilip, ulttyq salt-dástúr nasıhattalypty.

Tárbıeshilerdiń aıtýynsha, qozy kóterý ulttyq oınyn uıymdastyrýdaǵy maqsaty – búldirshinderdi eptilikke baýlyp, ulttyq qundylyqtardy boıyna sińirý.

«Balalarǵa qazaqtyń ulttyq oıyndaryn, arqan tartys, asyq atý, qozy kóterýdi oınattyq. Qozy kóterýde bes jasar Sanjar qozyny 35 ret kóterip, oıynnyń mánin de, sánin de keltirdi», — deıdi balabaqsha meńgerýshisi Indıra Álishbaeva.