ماڭعىستاۋ وبلىسىنىڭ اكىمى نەكەسىز تۋعان ۇلىنا اليمەنت تولەيتىن بولدى

فوتو: Stan.kz

ماڭعىستاۋ وبلىسىنىڭ اكىمى نۇرداۋلەت قيلىباي نەكەسىز تۋعان ۇلىنىڭ اكەسى دەپ تانىلىپ, اليمەنت تولەيتىن بولدى, دەپ حابارلايدى qandastar.kz

بۇل تۋرالى بالانىڭ اناسى جاريا ەتتى. بۇعان دەيىن بۇرىنعى وبلىستىق ءماسليحات دەپۋتاتى ىنتاش ناۋرىزوۆا ءوڭىر باسشىسىنان ۇل تاپقانىن ايتىپ, بىراق اكىمنىڭ بالاسىنان بەزىپ, تەگىن بەرمەي جۇرگەنىن جەلىلەردە جاريالادى.

وسى ارەكەتى ءۇشىن نۇرداۋلەت قيلىبايدان قىسىم كورگەنىن مالىمدەپ, پرەزيدەنت توقاەۆقا ۇندەۋ جاسادى.

اكىم داۋعا قاتىستى سۇراقتارعا ناقتى جاۋاپ بەرمەگەن.

يۋۆەنالدى سوت ماڭعىستاۋ اكىمىن 3 جاسار امىرەنىڭ اكەسى دەپ تانىدى. بالا 18 جاسقا تولعانعا دەيىن ول تابىسىنىڭ 25 پايىزىن اليمەنت رەتىندە تولەيدى.

امىرەنىڭ تۋ تۋرالى كۋالىگىنە دە وزگەرىستەر ەنگىزىلگەن. اناسى نۇرداۋلەت قيلىبايدىڭ اكەلىگىن مويىنداتۋ ءۇشىن ۇزاق ۋاقىت كۇرەسكەن