Mańǵystaý oblysynyń ákimi nekesiz týǵan ulyna alıment tóleıtin boldy

Foto: Stan.kz

Mańǵystaý oblysynyń ákimi Nurdáýlet Qılybaı nekesiz týǵan ulynyń ákesi dep tanylyp, alıment tóleıtin boldy, dep habarlaıdy qandastar.kz

Bul týraly balanyń anasy jarııa etti. Buǵan deıin burynǵy oblystyq máslıhat depýtaty Yntash Naýryzova óńir basshysynan ul tapqanyn aıtyp, biraq ákimniń balasynan bezip, tegin bermeı júrgenin jelilerde jarııalady.

Osy áreketi úshin Nurdáýlet Qılybaıdan qysym kórgenin málimdep, prezıdent Toqaevqa úndeý jasady.

Ákim daýǵa qatysty suraqtarǵa naqty jaýap bermegen.

Iývenaldy sot Mańǵystaý ákimin 3 jasar Ámireniń ákesi dep tanydy. Bala 18 jasqa tolǵanǵa deıin ol tabysynyń 25 paıyzyn alıment retinde tóleıdi.

Ámireniń týý týraly kýáligine de ózgerister engizilgen. Anasy Nurdáýlet Qılybaıdyń ákeligin moıyndatý úshin uzaq ýaqyt kúresken