Mańǵystaý oblysynyń ákimi ózin ózi órtegen azamat týraly aıtty

Foto: ashyq derekkóz

Mańǵystaý oblysynyń ákimi Nurdáýlet Qılybaı Ortalyq kommýnıkaııalar qyzmetinde jýrnalısterdiń suraǵyna onlaın bergen suhbatynda ákimge kire almaı ózin ózin órtep jibergen azamat týraly aıtty, dep jazdy qandastar.kz

«О́kinishke qaraı sondaı jaǵdaı oryn aldy. Árıne, ımany salamat bolsyn. Sol isten onshaqty kún buryn Qaraqııa aýdanynda qabyldaý boldy. Qabyldaý túnge deıin jalǵasty. Eń sońǵy turǵynǵa deıin qabyldap kettik.

Men bul suraqty eshkimge qoıa almaımyn, óter azamat ómirden ótti. Men de adam bolǵan soń ishim ýdaı ashıdy. Úlken otbasyny azmatynan aıyryldy. Alty balasy bar, kelinshegi jetinshi balasyna aıaǵy aýyr dep estımiz. Nege maǵan sol kezde kelmedi eken, men kúttim ǵoı degen suraq mende de bar.

Al ákimshilik ǵımaratyna kelgen kezde, ol azamatty orynbasarym qabyldady, apparat basshysynyń orynbasary qabyldady, úshinshi aýdan ákiminiń orynbasary da kelip qabyldady.

Orynbasarymnyń aıtqan sózi meniń sózim dep túsiný kerek. Din jaǵynan da qate ketti. Artynda bala-shaǵasy, aǵaıyndary qaldy. Biz de beıjaı qarap otyrǵan joqpyz. bıznesmender moıyndaryna sondaı júkteme aldy. Qansha kómektessek de, arystandaı azamat ómirden ozdy.

«Sol kúni qaıda boldyńyz, keńseńizde boldyńyz ba?» degen jýrnalıst suraǵyna:

«Sol kúni keńsede boldym. Adam qabyldaıtyn kúnderim bar. Qazir tizimde myńnyń ústinde adam bar jazylǵan. Bir nárseni túsiný kerek. Kelgen adamdardy qabyldaı bersek, oblys ákimderi tańnan keshke deıin adam qabyldaýmen ǵana otyrý kerek. Basqa jumystardy syryp tastap. Kestege sáıkes adamdardy qabyldaımyz. Al myna jaǵdaı ishim ýdaı ashıdy» dep jaýap berdi Mańǵystaý ákimi.