ماڭعىستاۋ تۇرعىنى وبلىس اكىمدىگىنىڭ الدىندا ءوزىن-ءوزى جاعىپ جىبەردى

ماڭعىستاۋ وبلىسىنىڭ تۇرعىنى وبلىس اكىمدىگىنىڭ الدىندا ءوزىن-ءوزى جاعىپ جىبەردى, دەپ جازادى qandastar.kz.

ماڭعىستاۋ وبلىستىق ىشكى ساياسات باسقارماسىنىڭ بۇل جايلى حابارلادى. باسقارما بەرگەن اقپاراتقا سايكەس, 5 جەلتوقساندا وبلىس اكىمدىگىنىڭ عيماراتىنا ءبىر تۇرعىن كەلىپ, اكىمگە جولىقتىرۋىن سۇراعان.

اكىمدىك قىزمەتكەرلەرى تۇرعىندى قابىلداۋدىڭ رەتى كەلمەيتىنىن ايتىپ, بەكىتىلگەن گرافيككە سايكەس جازىلىپ كەلۋىن وتىنگەن.

بەلگىلى بولعانداي, ءوزىن-ءوزى ورتەپ جىبەرگەن تۇرعىندى بۇعان دەيىن قاراقيا اۋدانى اكىمىنىڭ ورىنباسارى قابىلداعان. حابارلامادا بۇعان قاتىستى:

«وعان قاناعاتتانباعان ازامات ۇستىنە جانعىش قوسپانى قۇيىپ, ءوزىن ورتەپ جىبەردى. پوليتسيا مەن اكىمدىك قىزمەتكەرلەرىنىڭ كۇشىمەن ءورت جەدەل ءسوندىرىلدى. جەدەل — جاردەم شاقىرىلىپ, ول كەلگەنشە زارداپ شەگۋشىگە العاشقى مەديتسينالىق كومەك كورسەتىلدى», — دەلىنگەن.